Joshua 22:29 - MUMA MALER 2015

²⁹ Ok wanyal piem gi Ruoth Nyasaye, bende ok wanyal weyo luwe, kwagero kendo machielo, to mak mana mano mar Ruoth Nyasaye ma Nyasachwa mochung’ e dho Hema Maler.”

Motingʼo Loko Manyien

²⁹ “Mad wabed mabor gi ngʼanyone Jehova Nyasaye, mi walokre waa kuome kawuono ka wagero kendo mar misango miwangʼo pep, chiwo mar cham kod misengini mamoko moloyo kendo mar misango mar Jehova Nyasaye ma Nyasachwa mochungʼ e nyim kare maler.”

Joshua 22:29 Iomraidhean Croise

Chakruok 44:17

To Josef nowachonigi niya, “Ooyo, ok anyal timo kamano. Mana jal moyud gi kikombe ema biro bedo misumbana. Jomoko kuomu modong’, to nyalo dok dala ir wuonu gi kue.”

Chakruok 44:7

to ne gidwoke niya, “Ruoth, ere gimomiyo iwuoyo kamano? Ok ne wanyal kata mana paro timo kamano!

1 Ruodhi 21:3

To Naboth nodwoko Ahab niya, “Mano kuero! Ok anyal miyi mwandu kwerena.”

2 Ruodhi 18:22

To kuwachona ni ugeno kuom Ruoth Nyasaye ma Nyasachu, donge en ema Hezekia oseketho hembkone gi kuonde mitimonee misengni kochiko jo-Juda gi jo-Jerusalem ni nyaka lem mana e nyim kendo-mar-misango man Jerusalem?

2 Weche mag Ndalo 32:12

Donge Hezekia achielni osegolo hembko man kuonde moting’ore gi kende duto mag misango mag Ruoth Nyasaye, kochiko jo-Juda gi jo-Jerusalem niya, ‘Unulam e nyim kendo-mar-misango achiel kende, kendo wi kendono ema unuwang’ie misengini mau?’

Jo-Rumi 3:6

To mano ok nyal bet kamano, nimar ka Nyasaye ok ni kare, to ere kaka dong’ad ni piny bura?

Jo-Rumi 6:2

Ngang’! Ok kamano! Korka wach richo to wan mana joma otho. Koro ere kaka dwadhi nyime kwadak e richo?

Jo-Rumi 9:14

To koro dwawach ang’o? Dwawach ni Nyasaye ok ni kare koso? Ooyo! Ok nyal bet kamano,

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Joshua 22:23

Ka dibed ni wasepiem gi Ruoth Nyasaye, kendo wagero kendowa wawegi mondo wawang’ie misengini, kata watimie misengni mag cham kata mag kue, to Ruoth Nyasaye owuon mondo okumwa.

Joshua 22:26

Kuom mano ne wagero kendoni

Joshua 22:28

Ne waparo bende ni ka gima kamano ditimrenwa, kata ni nyikwawa, to wanyalo nyisogi kido mar kendo-mar-misango mar Ruoth Nyasaye ma wasegero. Ok en mar wang’o misengni kata gimoro amora machalo kamano, to en mana ranyisi e kindwa kodu.

Joshua 22:30

Kane Finehas jadolo gi jodong oganda kod jotend dhout Israel owinjo wach jo-Reuben gi jo-Gad kod jo-Manase, ne gimor ahinya.

Joshua 24:16

Jo-Israel nodwoko Joshua niya, “Ok wadwar weyo Ruoth Nyasaye kata matin, mondo wati ni nyiseche mamoko.

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.