Joshua 22:27 - MUMA MALER 2015

²⁷ mana ni mondo obed ranyisi ni jowa gi jou, kod joma nobi bang’wa, ni walamo Ruoth Nyasaye gi misengni miwang’o gi mag sawo kod mamoko. To kata kamano ne ok wagere mondo watimie misango. Kamano nyikwau ok nonyal wacho ni nyikwawa ni ok gin jo Ruoth Nyasaye.

Motingʼo Loko Manyien

²⁷ To kata kamano, ma onego obed ranyisi e kindwa kodu to gi tiengʼ mabiro bangʼwa, ni wabiro lamo Jehova Nyasaye e kare maler mar lemo ka wachiwone misango miwangʼo pep, misengini mamoko kod misango mar lalruok. Bangʼe ndalo mabiro nyikwau ok nowach ne nyikwawa ni, ‘Uonge gi pok kuom Jehova Nyasaye.’

Joshua 22:27 Iomraidhean Croise

Chakruok 31:48

Laban nowacho niya, “Chakre kawuono, pidh kiteni biro bedo ka janeno e kindwa kodi”. Mano emomiyo nochak kanyo ni Galeed.

Chakruok 31:52

Pidhni kod sironi mondo obed ka janeno ni ok nakadh pidhni mondo amonji, to in bende ok nikadh pidhni kata sironi mondo imonja.

Zaburi 16:5

A Ruoth Nyasaye, in kendi ema an kodi, kendo imiya gik moko duto ma adwaro. Ngimana duto nie lweti.

Isaya 19:19

E kindego, nobedie kendo-mar-misango mar Ruoth Nyasaye e dier Misri, kod siro maler mochung’ ni Ruoth Nyasaye e tong’ piny Misri.

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Joshua 22:10

To kane gichopo Geliloth man but aora Jordan, ne gigero kendo mang’ongo mar misango e bath aora kanyo, mane ji nyalo neno gi kuma bor.

Joshua 22:26

Kuom mano ne wagero kendoni

Joshua 22:28

Ne waparo bende ni ka gima kamano ditimrenwa, kata ni nyikwawa, to wanyalo nyisogi kido mar kendo-mar-misango mar Ruoth Nyasaye ma wasegero. Ok en mar wang’o misengni kata gimoro amora machalo kamano, to en mana ranyisi e kindwa kodu.

Joshua 22:34

Jo-Reuben gi jo-Gad noluongo kendono ni ‘Rapar’, nikech ne giwacho niya, “Noparnwa waduto ni Ruoth Nyasaye en Nyasaye.”

Joshua 24:27

Eka nowacho ni ji duto niya, “Uneno kidini? Nobednwa janeno, nikech osewinjo weche duto ma Ruoth Nyasaye owachonwa. Kuom mano, nobednu janeno mondo kik uwe luwo Ruoth Nyasaye.”

1 Samuel 7:12

Samuel nokawo kidi, mochungo kanyo e kind Mizpa gi Jeshana. Nowacho niya, “Ruoth Nyasaye osekonyowa nyaka ka.” Omiyo nochako kidino ni Ebenezer, (tiende ni, kidi mar konyruok).