Joshua 22:22 - MUMA MALER 2015

²² “Ruoth Nyasaye e Nyasaye Maduong’! Ruoth Nyasaye e Nyasaye Maduong’! En ema ong’eyo gima omiyo ne wagero kendoni, to un bende nyaka ung’e. Ka en adieri ni waseketho, kendo waweyo Ruoth Nyasaye, to owinjore watho.

Motingʼo Loko Manyien

²² “Jehova Nyasaye en Nyasaye Maratego! Jehova Nyasaye en Nyasaye Maratego! Ongʼeyo gik moko duto! Israel mondo ongʼe! Ka dipo ni ma notim e yor ngʼanyo, kata bedo maonge gi luor ne Jehova Nyasaye, to kik ingʼwon-nwa kawuono.

Joshua 22:22 Iomraidhean Croise

1 Ruodhi 8:39

to yie mondo iwinj e polo kama idakie. Iwene richone, kendo ichop lemone, kimiye moromo gi timbene, nikech in kendi ema ing’eyo chuny ji duto.

Ayub 10:7

To chutho ing’eyo ni aonge gi ketho, kendo aonge gi ng’ato ma diresa kuomi.

Ayub 23:10

To kata kamano, ong’eyo gimoro amora ma atimo, kendo ka oranga, to obiro yudo ka aler.

Ayub 31:22

to kara mondo bedena otur, mi jakre gi e goka!

Zaburi 136:2

Gouru erokamano ni Nyasaye maduong’ moloyo nyiseche duto, nimar herane mosiko ochwere.

Zaburi 37:6

Enomi nenre maler ni in ng’ama kare, kendo enomi timni makare rieny kaka chieng’ rieny odiechieng’ tir.

Zaburi 40:9

A Ruoth Nyasaye, asehulo wach maber e chokruok maduong’ ni in e jawar. Ing’eyo ni ok anyal mung’o wachno, yaye Nyasaye.

Zaburi 44:21

to difwenyo, nikech in ing’eyo paro maling’ling’ mag ji.

Zaburi 44:22

To inegowa seche duto nikech in, kendo wachalo mana gi rombe midwaro yang’o.

Zaburi 50:1

Ruoth Nyasaye ma Nyasach nyiseche wuoyo, kaluongo piny duto, chakre yo wuokchieng’ nyaka yo podho chieng’.

Zaburi 82:1

Nyasaye e jakom e buch polo, kendo oyalo kata mana nyiseche mamoko.

Zaburi 95:3

nikech Ruoth Nyasaye en Nyasaye maduong’. En e ruoth maduong’ie moloyo nyiseche duto.

Zaburi 97:7

Wichkuot omako ji duto malamo kido mag nyiseche manono. Ee, jogo duto masungore gi gik manono, wigi okuot. Kata mana nyiseche duto kulore e nyim Ruoth Nyasaye.

Wuok 18:11

Koro ang’eyo ni Ruoth Nyasaye duong’ moloyo nyiseche duto, nikech osereso jo-Israel e loch mar jo-Misri, kuma ne iritogie gi achaye.”

Jeremia 12:3

To Ruoth Nyasaye, ing’eya, kendo ineno gik ma atimo, bende inono chunya mondo ine kaka aheri. Ywa joma richogi oko ka rombe ma idwaro yang’o, kendo ketgi tenge nyaka chieng’ minegogie chopi.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Mika 7:9

Aseketho e nyim Ruoth Nyasaye omiyo ayie mirimbe nyaka ochwaka, mi ong’adna bura maber, kendo ogola oko e ler, mi ane ni otimo gima kare kaka nosingore.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

Tich Joote 1:24

Bang’ mano ne gilemo niya, “A Ruoth, in ema ing’eyo chuny ji duto, Nyiswa jal miseyiero kuom ji ariyogi,

Tich Joote 25:11

Kapo ni aseketho chik kendo asetimo gimoro mowinjore gi tho, to ok adagi tho. To ka weche ma gidonjonagogi ok adier, to onge ng’ama nigi teko mar chiwa e lwetgi. Omiyo akwayi mondo otera e nyim Kaisar.”

2 Jo-Korintho 11:11

Koso uparo ni ka awuoyo kamano, to mano nyiso ni ok aherou? Ngang’! Nyasaye ong’eyo ni aherou.

2 Jo-Korintho 11:31

Nyasaye ma Wuon Ruoth Yesu ma ipako nyaka chieng’ ema ong’eyo ni ok ariambi.

2 Jo-Korintho 5:11

Wang’eyo ni tiend luoro Ruoth en ang’o, emomiyo wayuayo ji. Nyasaye ong’eyo chutho ngimawa kaka chal, kendo ageno ni un bende ung’eyowa maber e chunyu maiye kaka wachal.

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

1 Timotheo 6:16

En kende ema ok otho, kendo odak e ler ma dhano ok nyal chopoe. Onge dhano mosenene, kata manyalo nene. Pak gi loch ma nyaka chieng’ obedne! Amin.

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Joshua 22:21

Jo-Reuben gi jo-Gad kod jo-Manase konchiel nodwoko jotend dhout Israelgo niya,

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

1 Samuel 15:23

Tamruok mako chik chalo gi tim jwok, kendo wichteko chalo gi tim mamono. Isedagi chik Ruoth Nyasaye, omiyo en bende osedagi ni kik ibed ruoth.”

1 Samuel 2:3

Weuru sungruok mukwarorugo, kendo ng’ayi kik wuog e dhou, nikech Ruoth Nyasaye en Nyasaye mong’eyo gik moko duto, kendo en ema opimo timbe dhano.