Joshua 22:20 - MUMA MALER 2015

²⁰ Paruru kaka Akan wuod Zera notamore rito chik kuom gik mokwer, momiyo jo-Israel duto noyudo kum, ma ok Akan kende ema ne otho nikech richono!”

Motingʼo Loko Manyien

²⁰ Donge uparo kaka Akan wuod Zera notimo richo e nyim Jehova Nyasaye, momiyo oganda jo-Israel duto okum? Ok en kende ema notho nikech richone.’ ”

Joshua 22:20 Iomraidhean Croise

2 Weche mag Ndalo 24:18

Koro ji noweyo Od Ruoth Nyasaye, mi gitiyo ni sirni milamo gi nyiseche mamoko. Kethono nomiyo Nyasaye okecho kod jo-Juda gi jo-Jerusalem.

Ayub 35:8

Richoni hinyo mana ji weteni, kendo ber mitimo konyo mana gin.

Tim jo-Lawi 10:6

Bang’e Musa nowacho ni Harun kod yawuote ma Eleazar gi Ithamar niya, “Kik uwe wiu yugno, kendo kik uyiech lepu, manyiso ni uywak, nimar dipo ka utho, mi Ruoth Nyasaye okecho gi oganda duto. Joweteu ma jo-Israel nyalo ywago joma ne Ruoth Nyasaye otieko gi mach.

1 Jo-Korintho 10:6

Gigo duto notimore mondo obednwa ranyisi ni mondo wan kik wagomb gik maricho kaka ne gigombo.

Joshua 22:21

Jo-Reuben gi jo-Gad kod jo-Manase konchiel nodwoko jotend dhout Israelgo niya,

Joshua 7:1

To jo-Israel ne ok orito chik mane Nyasaye ogolo ni mondo oketh gik moko duto. Akan wuod Karmi ma wuod Zabdi ma wuod Zera ma ja-Juda nokawo gik mokwer mi Ruoth Nyasaye nokecho gi jo-Israel.

Joshua 7:18

Kane ogolo ng’ato ka ng’ato kuom joka Zabdi, to Akan wuod Karmi, ma wuod Zabdi, ma wuod Zera, ema nokwany.

Joshua 7:24

Eka Joshua kod jo-Israel duto nokawo Akan nyakwar Zera, kaachiel gi fedha kod law kod dhahabu, gi yawuote gi nyige gi dhoge gi kenjene gi rombene gi hembe kod mwandune duto, moterogi e holo mar Akor.

Joshua 7:5

kendo nonego ji alufu piero adek gauchiel kuomgi. Jo-Ai nolawogi chakre rangagi nyaka Shebarim, monegogi kama yo ridoree. Gikanyono chir mane jo-Israel nigo nolalnigi ka yamo.

2 Petro 2:6

Nyasaye nokumo mier mag Sodom gi Gomora, kowang’ogi, mi gilokore buru. Kamano nolokogi ranyisi mar gima biro timore ni joma ok oluoro Nyasaye.