Joshua 21:45 - MUMA MALER 2015

⁴⁵ Ruoth Nyasaye nochopo singruokne duto ma nosetimo ni jo-Israel.

Motingʼo Loko Manyien

⁴⁵ Onge singruok moro amora mane Jehova Nyasaye omiyo jo-Israel mane ok otimonegi; moro ka moro nochopo kaka nowacho.

Joshua 21:45 Iomraidhean Croise

1 Ruodhi 8:15

Nowacho niya, “Apako Ruoth Nyasaye ma Nyasach Israel, mosechopo singruok ma notimo ni Daudi wuora, kowachone ni,

1 Ruodhi 8:20

Koro Ruoth Nyasaye osechopo singruok ma notimo, nikech asebet kar Daudi wuora, kendo an e ruodh Israel, mana kaka Ruoth Nyasaye nosingore. Mi asegero ot ni Ruoth Nyasaye ma Nyasach Israel,

1 Ruodhi 8:24

Isechopo singruok mane itimo ni Daudi wuora ma jatichni. Adier, gima niwacho ema koro isetimo.

1 Ruodhi 8:56

“Apako Ruoth Nyasaye, mosemiyo joge Israel kue, kochopo gik moko duto mane osingore. Onge kata wach achiel moserem kuom singruokne duto mabeyo mane omiyo Musa jatichne owacho.

Nehemia 9:8

Niyudo ka en ng’at ma jaadiera e nyimi, mi nitimo kode singruok ni ibiro miye piny mane jo-Kanaan gi jo-Hiti gi jo-Amor gi jo-Perzi gi jo-Jebus kod jo-Girgash odakie, mondo obed mare gi nyikwaye. Kendo nichopo singruokno, nikech in jaadiera.

Isaya 48:3

Chon gi lala ne akoro gik ma koro osetimore. Ne ahulogi gi dhoga awuon. Bang’e ne atiyo piyopiyo nono, mi gitimore.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

1 Jo-Korintho 1:9

Nyasaye mane oluongou mondo ubed e achiel gi wuode Yesu Kristo Ruodhwa en jaadiera.

1 Jo-Thesalonika 5:24

Jal maluongou en jaadiera, kendo enotim kamano.

Tito 1:2

kuom geno yudo ngima mochwere, mane Nyasaye, ma ok riambi osesingore chon ni nomiwa.

Jo-Hibrania 6:18

Kuom mano, Nyasaye nokonyore gi gik moko ariyo ma ok nyal lokore, kendo ma ok onyal wachoe miriambo, tiende ni singruok gi kuong’ruok. To wan, joma osetony, koro wayudo jip motegno ka wamakogo geno manie nyimwa.

1 Samuel 3:19

Kane Samuel dongo, Ruoth Nyasaye ne ni kode, kendo weche duto mane okoro, Ruoth Nyasaye ne ochopo kare.