Joshua 21:44 - MUMA MALER 2015

⁴⁴ Ruoth Nyasaye nomiyogi kue e tong’gi duto kaka nosesingore ni kweregi. Onge wasikgi kata achiel mane nyalo sirogi, nikech Ruoth Nyaaye ema nomiyo giloyogi duto.

Motingʼo Loko Manyien

⁴⁴ Jehova Nyasaye nomiyogi kwe, mana kaka ne osesingore ni enomi kweregi. Onge wasikgi moro amora mane omonjogi; kendo Jehova Nyasaye nochiwo wasikgi duto e lwetgi.

Joshua 21:44 Iomraidhean Croise

2 Weche mag Ndalo 13:16

Jo-Israel noringo jo-Juda, mi Nyasaye nochiwogi e lwet jo-Juda.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Wuok 33:14

Ruoth Nyasaye nodwoke niya, “Abiro dhi kodi an awuon, kendo anamiyi kue.”

Isaya 63:14

kendo mana kaka jamni ridore e holo to ok chwanyre. Roho mar Ruoth Nyasaye notelonigi ka gidhi kar yueyo. Mano e kaka ne otelo ni joge mondo nyinge oyud duong’.”

Rapar mar Chik 2:36

Onge dala mane nyalo sirowa, chakre Aroer e dho holo mar Arnon, kod dala man e holo hie, nyaka chop Gilead. Adier Ruoth Nyasaye ma Nyasachwa ema nochiwo gik moko duto e lwetwa.

Rapar mar Chik 21:10

“Kusekedo gi wasiku, mi Ruoth Nyasaye ma Nyasachu oketogi e lwetu, kendo umako jomoko udhigo,

Jo-Hibrania 4:9

Mano nyiso ni yueyo machalo gi yueyo mar chieng’ Sabato pod nitie ma jo-Nyasaye nyalo yudo,

Joshua 1:13

“Paruru gima Musa jatich Ruoth Nyasaye nochikou, kowacho niya, ‘Ruoth Nyasaye ma Nyasachu nomiu pinyni mondo obed kar daku.’

Joshua 1:15

Ka gin bende gisekawo piny ma Ruoth Nyasaye ma Nyasachu miyogi, kendo gidakie, eka unuduogi, mondo udag e pinyu uwegi man yo wuok chieng mar aora Jordan, mane Musa jatich Nyasaye omiyou.”

Joshua 1:5

Onge ng’at ma nosiri nyaka chieng’. Anabed kodi kaka nabet gi Musa. Ok naweyi kata jwang’i ok najwang’i.

Joshua 11:12

Kamano Joshua nomako ruodhigo monego, kendo noketho miechgi. Nonego ji duto ma nodak e miego, kendo noketho gik moko duto, kaka Musa jatich Ruoth Nyasaye nosechiko.

Joshua 11:23

Kamano Joshua nokawo pinyno duto, kochopo chike duto mane Ruoth Nyasaye omiyo Musa. Joshua nomiyo jo-Israel pinyno, kopogo ni dhoot ka dhoot lembe, mi piny nokue.

Joshua 11:8

Ruoth Nyasaye nochiwogi e lwet jo-Israel, mi jo-Israel noloyogi, kendo nolawogi yo nyandwat nyaka Sidon Maduong’, kendo yo podho chieng’ nyaka Misrefoth, kendo yo wuok chieng’ nyaka holo mar Mizpa. Ne ginegogi, ma onge kata ng’at achiel ma nodong’ ka ngima.

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Joshua 22:4

To koro Ruoth Nyasaye osemiyo oweteu pinyni kaka nosingorenigi, omiyo unyalo dok e miechu manie piny mane Musa jatich Ruoth Nyasaye omiyou yo wuok chieng’ mar aora Jordan.

Joshua 22:9

Kuom mano, jo-Reuben gi jo-Gad kod jo-Manase konchiel noweyo jo-Israel Shilo e piny Kanaan. Ne gidok Gilead e pinygi, mane Ruoth Nyasaye osechiko Musa ni mondo gikaw.

Joshua 23:1

Ruoth Nyasaye nomiyo jo-Israel kue e kindgi gi wasigu ma nolworogi kuom ndalo mang’eny nyaka koro Joshua nodoko moti.