Joshua 2:5 - MUMA MALER 2015

⁵ Nende giwuok kar sa miloroe rangach ka piny dwaro yuso, to akia kuma gidhiye. Kulawogi matek, to ubiro jukogi.”

Motingʼo Loko Manyien

⁵ E seche mag angʼich welo, e sa michiegoe dhoranga dala maduongʼ, jogi nowuok. Ok angʼeyo yo mane gidhiyoe. Ringuru bangʼ-gi piyo. Unyalo makogi.”

Joshua 2:5 Iomraidhean Croise

Nehemia 13:19

Omiyo ka nigolo ji e dhorangeye mag Jerusalem sa mane Sabato dwaro chakore, nagolo chik mondo dhorangeye olor, kendo kik yawgi nyaka chieng’ Sabato rum. Bende naketo jotichna moko mondo orit dhorangeye ni kik misigo moro amora donj e dala Jerusalem chieng’ Sabato.

Isaya 60:11

Dhorangeyeni biro siko koyaw, kendo ok nochieggi godiechieng’ kata gotieno, mondo ji okelni mwandu mag ogendini, ka ruodhigi otelonigi.

Jeremia 50:20

Ka kindeno ochopo, to onge richo ma noyud kuom jo-Israel kata kuom jo-Juda, nikech joma aweyo ka ngima, ema bende anawenigi richogi. An Ruoth Nyasaye ema awacho kamano.

Ezekiel 47:12

E bath aora koni gi koni kit yien duto ma olembegi ichamo nodongie. Obokegi ok notwo, bende ok giniwe mak ginyago olemo, to ginibed ka ginyak due ka due, nikech pi ma giyudo mol ka wuok e Hekalu. Olemb yien-go ema ji nocham, to obokegi nothiedhruokgo.”

Joshua 2:4

To noyudo dhakono osepandogi, omiyo nodwoko ruoth niya, “Adier, jomoko nende obiro e oda, to ne ok ang’eyo kuma giaye.

Joshua 2:6

To chutho, noseterogi ewi tado, moumogi gi tworo mane osechano kanyo.

Joshua 2:7

Jootego nowuok, molor rangach. Ne gilawo jombetre ka giluwo yo madhi kuma iyorogo aora Jordan.

Fweny 21:25

Dhorangeyene ok nolor godiechieng’, to gotieno bende nobed maonge kuno.

1 Samuel 19:14

Kane Saulo ooro joote mondo omak Daudi, Mikal nowachonigi ni otuo.