Joshua 2:19 - MUMA MALER 2015

¹⁹ Ka ng’ato nowuog oko, mi negi, to rembe nobed e wiye owuon, kendo ok wanabed joketho. To ka oneg ng’ato man kodi e ot, to rembe nobed e wiwa.

Motingʼo Loko Manyien

¹⁹ Ka dipo ni ngʼato owuok e odi modhi e yore mag mier, rembe enobed e wiye owuon; ok enobed wachwa. To ne ngʼatno manobed kodi ei ot, rembe nobedi e wiwa ka dipo ni lwedo moro nomule.

Joshua 2:19 Iomraidhean Croise

2 Samuel 1:16

Daudi nowacho niya, “Rembi obed e wiyi, nimar dhogi iwuon ema ong’adoni bura, kiwacho ni isenego ruoth mowir ma Ruoth Nyasaye oyiero.”

2 Samuel 4:11

To koro nadi, ka joma richo osenego ng’at makare e ode owuon, kendo mana e kitandane? Donge owinjore achulnu kuor kuom remo musechuero, mondo ua e piny?”

1 Ruodhi 2:32

Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia.

Wuok 12:13

Remb nyirombego nobed kido ma nyiso udi mudakie, kendo kaneno remono to anakadhu, mi masich tho magoyogo piny Misri ok nomaku.

Wuok 12:22

Eka ukaw oboke mag owino ulutie remo manie tawo, kendo uwirgi wi dhoudi kod sisi mag dhoudi. Kik ng’ato kuomu wuog oko nyaka okinyi.

Wuok 12:23

Ruoth Nyasaye biro wuotho e piny Misri duto, mondo oneg jo-Misri, to enokadh dhoot ka dhoot moneno remo e wiye, kendo e sisi mage, kendo ok nowe malaika maneko donje uteu mondo onegu.

Tim jo-Lawi 20:11

Ng’at moterore gi chi wuon, oelo dug wuon mare. Giduto ji ariyogo, nyaka neggi kendo rembgi nodong’ e wigi.

Tim jo-Lawi 20:9

“Ka ng’ato oyanyo wuon mare kata min mare, to nyaka nege. Rembe nodong’ e wiye, nikech oseyanyo wuon gi min.

Mathayo 24:17

Ka ng’ato nie wi tat ode, to kik olor mondo okaw gik manie ot odhigo.

Tich Joote 18:6

To kane gidagi wachne, kendo gichako yanye, noteng’onigi lepe, kosiemogi niya, “Ka ulal, to mano nobed wachu uwegi! Anto aonge wach kanyo. Chakre kawuono adhi ir joma ok jo-Yahudi.”

Tich Joote 20:26

Emomiyo ahulonu tinende ni, ka ng’ato kuomu olal, to mano ok nobed wachna,

Tich Joote 27:31

To Paulo nowacho ni jatend lweny kod askeche niya, “Ka jogi ok osiko e yie, to un uwegi ok unyal resoru.”

Jo-Filipi 3:9

ka ariwora kode eringruok achiel. Koro ok adwar ni mondo okwana ka ng’ama dwaro bedo e winjruok gi Nyasaye nikech rito Chik, to adwaro bedo ng’ama Nyasaye osemiyo bedo e winjruok kode nikech oyie kuom Kristo.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

Joshua 2:12

Emomiyo koro kuong’renauru e nying Ruoth Nyasaye kendo umiya ranyisi ni kaka asetimonu maber, un bende nutimne joodwa maber.

Joshua 2:14

Jogo nodwoke niya, “Kutho, to kara wan bende owinjore watho. Ka Ruoth Nyasaye osemiyowa pinyni, to wanarit singruokwa, kendo wanatimni maber, mak mana kihulo wachwani.”

Joshua 2:20

To kapo ni ihulo wachwani, muma ok nomakwa.”