Joshua 2:12 - MUMA MALER 2015

¹² Emomiyo koro kuong’renauru e nying Ruoth Nyasaye kendo umiya ranyisi ni kaka asetimonu maber, un bende nutimne joodwa maber.

Motingʼo Loko Manyien

¹² “Kuom mano, kwongʼrenauru gi Jehova Nyasaye ni ubiro ngʼwonone jooda, nikech an bende asetimonu ngʼwono. Singrenauru

Joshua 2:12 Iomraidhean Croise

Chakruok 21:23

Omiyo koro kuong’rina gi nying Nyasaye ni ok nitimna gimoro marach kata ni nyithinda kata ni nyikwaya. Kaka asetimoni maber, e kaka in bende onego itimna maber, kendo ni piny ma koro idakie.”

Chakruok 24:3

Adwaro ni mondo ikuong’rina e nyim Ruoth Nyasaye ma Nyasach polo gi piny ni ok ninywom ni wuoda nyar piny Kanaan madakieni,

Chakruok 24:9

Kuom mano ng’atno noketo lwete e kind em Ibrahim ruodhe, mokwong’ore ni notim kamano.

Chakruok 40:14

To ka isebedo maber kamano, yie ipara, kendo imul nyinga ni Farao mondo ogola e od tuech ka.

2 Weche mag Ndalo 36:13

Bende ruoth Nebukadnezar nosemiyo okuong’ore e nying Nyasaye ni nobed e bwo lochne, to kata kamano nopiem kode, motamore duogo kuom Ruoth Nyasaye ma Nyasach Israel.

Wuok 12:13

Remb nyirombego nobed kido ma nyiso udi mudakie, kendo kaneno remono to anakadhu, mi masich tho magoyogo piny Misri ok nomaku.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Mariko 14:44

Jandhokno nosenyiso jogo gima obiro timo, kowachonigi niya, “Ng’at ma ang’ amoso kanyodho e en. Makeuru, kendo dhiuru kode kurite maber.”

Jo-Rumi 1:31

Gin joma wang’gi tek, gi joma ok rit singruokgi, kod joma ok ohero jowetegi, kendo ok kechgi.

1 Timotheo 5:8

Ka ng’ato ok nyal rito wedene, to moloyo ka ok onyal rito joode, to en ng’at mosekwedo yie marwa, kendo orach moloyo ng’at ma ok oyie.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Joshua 2:13

Singrenauru ni unures wuora gi mama kod owetena gi nyiminena, kaachiel gi joutgi duto. Kik uwe watho.”

Joshua 2:18

Ne giwachone niya, “Chieng ma wanadonj e pinyni, to nyaka itue tol makwarni e dirisa kama ilorowaeni, kendo ichok wuoru gi meru gi oweteni kod joodu duto, mondo gibed kodi e odi ka.

Joshua 2:19

Ka ng’ato nowuog oko, mi negi, to rembe nobed e wiye owuon, kendo ok wanabed joketho. To ka oneg ng’ato man kodi e ot, to rembe nobed e wiwa.

Joshua 6:22

Joshua nowacho ni jombetre ariyo kande mondo odhi e od Rahab okele kaachiel gi joode, kaka ne gisesingore ni ginitim.

Joshua 9:15

Omiyo Joshua norwako jootego, motimo kodgi winjruok mar kue, kokuong’orenigi ni ok noneggi, kendo jodong Israel bende okuong’orenigi kamano.

Jong’ad Bura 1:24

mi jombetrego noneno ng’ato kawuok e dalano, mi giwachone niya, “Kinyisowa yo ma wanyalo donjogo e dala, to ok wabi timi gimoro.”

1 Samuel 30:15

Daudi nokone ni, “Diyie itera ir jogo?” Nodwoke niya, “Kuong’rina e nying Nyasaye ni ok ninega, kendo ok nichiwa e lwet ruoth ma natiyone, eka dateri ir jogo.”