Joshua 2:11 - MUMA MALER 2015

¹¹ Kane wawinjo wachno, ne wadoko maluor. Birou bende osekawo chunywa duto, nimar Ruoth Nyasaye ma Nyasachu en Nyasach polo gi piny.

Motingʼo Loko Manyien

¹¹ Kane wawinjo wachno, to kihondko nomakowa kendo chir duto mane ngʼato angʼata nigo norumo nikech un, kendo nikech Jehova Nyasaye ma Nyasachu en Nyasaye manie polo malo kendo e piny mwalo.

Joshua 2:11 Iomraidhean Croise

1 Ruodhi 8:60

Ji duto mae piny ngima mondo ong’e ni Ruoth Nyasaye kende e Nyasaye, kendo onge moro.

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

Nehemia 6:16

Kane wasikwa owinjo kamano, kendo ogendini mokiewo kodwa oneno tijno, ne giwuoro kaka en tich maduong’, kendo ne ging’eyo ni Nyasachwa ema nokonyowa.

Zaburi 102:15

Ogendini duto nomi nying Ruoth Nyasaye duong’, kendo ruodhi mag piny noluor tekone.

Zaburi 22:14

Tekra orumo ka bend dak. Chokena duto orokni, kendo chunya leny mana ka odok.

Zaburi 58:7

Onego gidwon nono ka pi mopuk e lowo, kendo onego giner ka lum minyono e wang’yo.

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Wuok 15:14

Ogendini moko osewinjo, mi otetni. Rem machal gi muoch omako jo-Filistia.

Wuok 15:15

Koro luoro omako jodong Edom, kendo ruodhi mag Moab ochako kirni. Ji duto modak Kanaan, bende chirgi olal.

Isaya 13:7

Chieng’onogo lwet ng’ato ka ng’ato nowengni, kendo kibaji nogo ji duto, ma chunygi a chuth.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Ezekiel 21:15

Omiyo joga tuomore, kendo chunygi nyosore. Abwogo dalagi gi ligangla ma mil ka polo, kendo moikore mondo oneki.

Nahum 2:10

Mago duto oyaki motieki, ma onge gima odong’. Kibaji goyo joge, kendo chongegi tuomore ka gitetni, kendo wengegi olokore makwar haa!

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 20:8

Jodongo nomed wuoyo gi jolweny, kawacho niya, ‘Bende kapo ni nitie ng’ama luor, kata ma chunye onyosore, to onego odog dala nikech dipo ka omiyo jowetene obedo maluor ka en.’

Rapar mar Chik 4:39

Kuom mano koro beduru gi adiera, kendo ung’e ni Ruoth Nyasaye en Nyasaye, kendo onge nyasaye moro e polo kata e piny.

Joshua 14:8

Jomoko mane wabirogo nonyoso chuny ji, to an ne aluwo dwaro mar Ruoth Nyasaye ma Nyasacha gi chuny modimbore.

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Joshua 5:1

Ruodhi duto mag jo-Amor ma nodak yo podho chieng’, kod jo-Kanaan ma nodak mokiewo gi Nam Mediterenia nowinjo ni Ruoth Nyasaye osemiyo aora Jordan oduono ka jo-Israel kadho. Omiyo kihondko nomakogi, mi gidoko maluor, kendo chunygi noa nikech jo-Israel.

Joshua 7:5

kendo nonego ji alufu piero adek gauchiel kuomgi. Jo-Ai nolawogi chakre rangagi nyaka Shebarim, monegogi kama yo ridoree. Gikanyono chir mane jo-Israel nigo nolalnigi ka yamo.

Joshua 9:24

Ne gidwoke niya, “Ruoth, ne watimo kamano nikech nonyiswa ni Ruoth Nyasaye ma Nyasachi nochiko Musa jatichne ni mondo ochiwnu pinyni duto, kendo ni mondo uneg ji duto modakie. Kuom mano, birou osemiyo kihondko omakowa.

Fweny 6:16

Ne giwacho ni gode gi lwendnigo niya, “Ruombreuru kuomwa, mondo ugeng’wa kuom wang’ Jal mobet e kom duong’ kendo kuom mirima mager mar Nyarombo,