Joshua 2:10 - MUMA MALER 2015

¹⁰ Wasewinjo kaka Ruoth Nyasaye nodwono pi Nam Makwar e nyimu, kane ua Misri. Bende wasewinjo kaka nunego Sihon gi Og, ruodhi mag jo-Amon man loka Jordan, kaachiel gi ogendini mag lweny.

Motingʼo Loko Manyien

¹⁰ Wasewinjo kaka Jehova Nyasaye nomiyo pi Nam Makwar oduono kane uwuok e piny Misri, kendo gima ne utimone Sihon kod Og, ruodhi ariyo mag jo-Amor modak yo wuok chiengʼ mar aora Jordan, mane uketho chuth.

Joshua 2:10 Iomraidhean Croise

Zaburi 74:15

Nimiyo sokni gi aore omol, kendo in ema nimiyo aore ma ok duon oduono.

Kwan 20:14

Kane jo-Israel ni Kadesh, Musa nooro joote ir ruodh Edom, kowacho niya, “Owadu Israel owacho kama: Ing’eyo malong’o chandruok duto mwaseyudo,

Kwan 23:22

Nyasaye, ma nogologi e piny Misri, tekone chalonigi gi teko jowi.

Kwan 24:8

Nyasaye mane ogolou e piny Misri, tekone chalo gi teko jowi. Uchamo ringre ogendini ma wasiku bende urado chokegi, kendo uturo lembgi matindo tindo.

Rapar mar Chik 2:30

To kata kamano, Sihon ruodh Heshbon nodagi miyowa thuolo mondo wakadhi, nimar Ruoth Nyasaye ma Nyasachu nomiyo toke odoko matek mondo ochiwe kaachiel gi pinye e lwetu, kendo uneno ka pinyno pod marwa nyaka chil kawuono.

Joshua 24:12

Giu mag lweny ok ema noriembogi.

Joshua 4:24

Kamano ji duto manie piny nong’e teko mar Ruoth Nyasaye, kendo ginimi Ruoth Nyasaye ma Nyasachu duong’ nyaka chieng’.”

Joshua 5:1

Ruodhi duto mag jo-Amor ma nodak yo podho chieng’, kod jo-Kanaan ma nodak mokiewo gi Nam Mediterenia nowinjo ni Ruoth Nyasaye osemiyo aora Jordan oduono ka jo-Israel kadho. Omiyo kihondko nomakogi, mi gidoko maluor, kendo chunygi noa nikech jo-Israel.

Joshua 9:10

kendo gima notimo ni ruodhi ariyo mag jo-Amor man yo wuok chieng’ mar Jordan, ma gin Sihon ruodh Heshbon kod Og ruodh Bashan ma nodak Ashtaroth.