Joshua 18:8 - MUMA MALER 2015

⁸ Joma noyiergo nodhi, mowuotho e pinyno duto ka ginono kaka ochalo, nikech Joshua nosechikogi niya, “Dhiuru uwuoth e pinyno duto, kendo undik kaka ochalo; eka uduog ira Shilo ka. Bang’e napognu piny gi ombulu e nyim Ruoth Nyasaye.”

Motingʼo Loko Manyien

⁸ E kinde mane jogi owuok mondo gidhi ginon piny, Joshua nomiyogi chik niya, “Dhiuru kendo utim nonro malongʼo mar pinyni kendo undik gik moko duto muyudo e iye. Bangʼe dwoguru ira kendo abiro miyou pok maru Shilo e nyim Jehova Nyasaye.”

Joshua 18:8 Iomraidhean Croise

Chakruok 13:17

Koro ikri mondo iwuoth kuonde duto e pinyni, nikech amiyigo duto.”

Isaya 34:17

En ema oseyiero ni moro ka moro kare, kendo osepogonigi piny, kopimo gi tol. Pinyno nobed margi nyaka chieng’, kendo ginidagie tieng’ gi tieng’.

Jo-Rumi 14:19

Emomiyo wadwaruru matek weche makelo kue kod weche ma ng’ato ka ng’ato dikonygo owadgi.

Joshua 13:7

Koro pog pinyni ni dhoudi ochiko kande, kaachiel gi jo-Manase konchiel.”

Joshua 15:1

Piny ma nopog ni dhout Juda gi ombulu nogik yo milambo e mbap jo-Edom man e thim Zin.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

Joshua 18:10

kendo Joshua nogoyonigi ombulu e nyim Ruoth Nyasaye, mopogo ni dhoot ka dhoot lope.

Joshua 18:6

Kusepogo piny nyadibiriyo kamano, kendo usendiko kaka ochalo, eka ukelna ndiko manyiso migepego, kendo nopognugi gi ombulu e nyim Ruoth Nyasaye.

Joshua 18:9

Kuom mano jogo nodhi monono pinyno duto, kendo ne gindiko e kitabu kaka ochalo. Ne gipogo piny nyadibiriyo, ka gichano nying mier duto mane ni kuno. Bang’e ne giduogo ir Joshua e kambi Shilo,

1 Samuel 14:41

Eka Saulo nowacho niya, “A Ruoth Nyasaye ma Nyasach Israel, ang’o momiyo ok isedwokowa tinendeni? A Ruoth Nyasaye ma Nyasach Israel, ka ketho ni kuoma, kata kuom Jonathan wuoda, to chiw ombulu miluongo ni Urim. To ka en kuom jogi Israel, to chiw ombulu miluongo ni Thumim.” Mi Saulo gi Jonathan ema noyier, to jo-Israel nowe.