Joshua 18:28 - MUMA MALER 2015

²⁸ gi Zela, gi Ha-elef gi Jebuz (ma tinde iluongo ni Jerusalem,) gi Gibea, kod Kiriath-jearim. Giduto ne gin mier apar gang’wen ka ok okwan mier matindo mane okiewo kodgi. Mago e mier mane opog ni dhout Benjamin.

Motingʼo Loko Manyien

²⁸ Zela, Haelef, jo-Jebus (tiende ni, Jerusalem), Gibea kod Kiriath. Giduto ne gin mier kod gwenge maromo apar gangʼwen. Magi e mier mane opog ni dhood Benjamin.

Joshua 18:28 Iomraidhean Croise

2 Samuel 21:14

Ne gikawo choke Saulo gi mag Jonathan wuode, kaachiel gi mag joma noneg, mi giyiko Zeba e piny Benjamin, e liend Kish wuon Saulo. Ne gitimo duto mane ruoth ochiko, kendo bang’ mano, Nyasaye nokecho pinygi.

2 Samuel 23:29

gi Itai wuod Ribai ja-Gibea e piny Benjamin,

2 Samuel 5:6

Ruoth Daudi nodhi Jerusalem gi joge mondo oked gi jo-Jebus ma weg pinyno. To jo-Jebusgo ne paro ni Daudi ok nyal donjo e dalagi, omiyo ne giwachone niya, “Ok nidonj ka, nikech kata mana muofni gi rang’onde oromo geng’ou!”

2 Samuel 5:8

Chieng’no Daudi nowacho niya, “Ng’ama dwaro loyo jo-Jebus, to mondo oidh gi aora motucho got, kendo oneg rang’onde gi muofni ma chunya osin-go kande.” Mano emomiyo iwacho ni, “Muofni gi rang’onde kik donj e Hekalu.”

1 Weche mag Ndalo 8:28

Mago e kar romb jodong dhoudi ma nodak Jerusalem.

Isaya 10:29

gisebiro gi yo maluwo Maabara, mi gibworo Geba. Jo-Rama kibaji goyo, kendo jo-Geba, dala Saulo, kihondko omako.

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Hosea 10:9

Ruoth Nyasaye wacho niya, “Jo-Israel pok oweyo timo richo e nyima chakre ndalo mane gitimoe richo Gibea. Kuom mano, lweny biro jukogi Gibea!

Kwan 26:38

Jo-Benjamin kochan e dhoutgi ne joka Bela gi joka Ashbel gi joka Ahiram

Kwan 26:54

Oganda maduong’ inimi lowo maduong’, to oganda matin nimi matin. Oganda ka oganda nopogne lowo maromre gi kar romb joma ondik nyinggi.

Kwan 33:54

Nyaka upoge gi ombulu e kind dhoutu, mondo dhoot ka dhoot oyud lope. Dhoot maduong’ nyaka yud lowo maduong’ to dhoot matin nyaka yud matin. Pognigiuru mana kaka ombulu owacho, ka dhoot ka dhoot kendo joot ka joot yudo lopgi.

Joshua 15:63

Jo-Juda ne ok nyal riembo jo-Jebus ma nodak Jerusalem, omiyo pod gidak kodgi kuno, nyaka chil kawuono.

Joshua 15:8

Noluwo holo mar Ben-hinom, yo milambo mar; piny gode mane jo-Jebus odakie, ma tinde ogerie Jerusalem. Noidho got momanyore gi holo Hinom yo podho chieng’, ma en giko holo mar Refaim.

Joshua 18:16

Eka nodhi nyaka bath got mochomore gi holo Ben-hinom man yo nyandwat mar holo Refaim. Noluwo holo Hinon tir kochomo yo milambo mar god jo-Jebus nyaka En-rogel.

Joshua 18:27

gi Rekem, gi Irpeel, gi Parala

Joshua 19:1

Ombulu mar ariyo nolwar kuom dhout Simeon. Pinygi ne nie dier piny jo-Juda.

Jong’ad Bura 1:21

To jo-Benjamin ne ok oriembo jo-Jebus modak Jerusalem, omiyo jo-Jebus osebet kodak kodgi kuno nyaka chil kawuono.

Jong’ad Bura 19:10

To ng’atno ne ok dwar riyo kendo, omiyo nochung’ momako wuoth, kaachiel gi chiege kod kenjene.

1 Samuel 10:26

Saulo bende nodhi dalagi Gibea, kendo thuondi moko ma Nyasaye omulo chunygi, nodhi kode.