Joshua 18:16 - MUMA MALER 2015

¹⁶ Eka nodhi nyaka bath got mochomore gi holo Ben-hinom man yo nyandwat mar holo Refaim. Noluwo holo Hinon tir kochomo yo milambo mar god jo-Jebus nyaka En-rogel.

Motingʼo Loko Manyien

¹⁶ Tongʼno nodhi nyaka e tiend got momanyore gi Holo mar Ben Hinom, kod yo nyandwat mar Holo mar Refaim. Nodhi nyime nyaka e Holo mar Hinom koluwo yo milambo mar pewe mar dala maduongʼ mar jo-Jebus kendo mochopo En Rogel.

Joshua 18:16 Iomraidhean Croise

2 Samuel 17:17

Noyudo Jonathan gi Ahimaaz jobet En-rogel ka rito wach, nikech ne ok owinjore mondo gidonj Jerusalem, nimar dipo ka ng’ato onegogi. To nyako moro ma jatich ema ne dhi En-rogel pile nyisogi gik matimore, eka ne gitero ni Daudi wach.

2 Samuel 5:18

Kane jo-Filistia ochopo, ne giyaro ni lweny e paw holo mar Refaim.

1 Ruodhi 1:9

Adonija noyang’o rombe gi ruedhi kod dhok machwe, kotimogo misango but lwanda mar Zoheleth man but En-rogel. Nogwelo owetene duto ma yawuot ruoth, kod jodong Juda duto,

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

1 Weche mag Ndalo 14:9

Noyudo ka jo-Filistia osemonjo joma odak e Holo Refaim.

2 Weche mag Ndalo 28:3

Nowang’o ubani e holo mar Ben-hirom, kendo nowang’o yawuote ka misango, koluwo timbe makuero mag ogendini mane Ruoth Nyasaye oriembo mondo owe thuolo ni jo-Israel.

2 Weche mag Ndalo 33:6

Nowang’o yawuote bende ka liswa e holo mar wuod Hinom. Noyie gi jokor wach gi jonyakalondo kod ajuoke. Timbene maricho ne ng’eny e nyim Ruoth Nyasaye, omiyo Ruoth Nyasaye nokecho kode.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Jeremia 19:11

kendo awachnigi ni Ruoth Nyasaye Manyalo Gik Moko Duto nosewacho kama: “Abiro toyo jogi gi dalani mana kaka itoyo agulu ma ok nyal chak chom. Joma otho noyik kata mana e Tofeth, nikech ok noyud kamoro nono ma diyikgie.

Jeremia 19:2

adhigo e holo mar Ben-hinom, mokiewo gi dhorangach miluongo ni Ranga Tegni. Kuno ema ne adhi huloe wach mane obiro miya.

Jeremia 19:6

Emomiyo an Ruoth Nyasaye, awacho ni ndalo biro ma ok noluongie holoni ni Tofeth, kata ni holo Ben-hinom, to noluonge ni holo Nek.

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Joshua 15:63

Jo-Juda ne ok nyal riembo jo-Jebus ma nodak Jerusalem, omiyo pod gidak kodgi kuno, nyaka chil kawuono.

Joshua 18:28

gi Zela, gi Ha-elef gi Jebuz (ma tinde iluongo ni Jerusalem,) gi Gibea, kod Kiriath-jearim. Giduto ne gin mier apar gang’wen ka ok okwan mier matindo mane okiewo kodgi. Mago e mier mane opog ni dhout Benjamin.

Jong’ad Bura 1:21

To jo-Benjamin ne ok oriembo jo-Jebus modak Jerusalem, omiyo jo-Jebus osebet kodak kodgi kuno nyaka chil kawuono.

Jong’ad Bura 1:8

Jo-Juda nomonjo Jerusalem, mokawo. Ne ginego joma odakie, mi giwang’o dalano gi mach.

Jong’ad Bura 19:10

To ng’atno ne ok dwar riyo kendo, omiyo nochung’ momako wuoth, kaachiel gi chiege kod kenjene.