Joshua 18:14 - MUMA MALER 2015

¹⁴ Nogomo koa yo podho chieng’ mar godno, mochomo yo milambo mar got man but Beth-horon, mogik Kiriath-baal, dala jo-Juda, miluongo bende ni Kiriath-jearim. Mano e tong’gi ma yo podho chieng’.

Motingʼo Loko Manyien

¹⁴ Koa e got momanyore gi Beth Horon mantiere yo milambo, tongʼno nogomo kochomo yo podho chiengʼ mar godno, mogik Kiriath Baal (tiende ni, Kiriath Jearim), ma en dala jo-Juda. Mano e tongʼ-gi ma yo podho chiengʼ.

Joshua 18:14 Iomraidhean Croise

2 Samuel 6:2

Eka nowuok kaachiel kodgi, modhi Baale-juda, mondo oom Sanduk mar Nyasaye, miluongogo nying Ruoth Nyasaye Manyalo Gik Moko Duto, mobet kuom kerubi kaka ruoth bet e kom duong’ne.

Joshua 15:60

Kiriath-baal, miluongo ni Kiriath-jearim, kod Raba ne maggi bende.

Joshua 15:9

Noluwo wi godno molor nyaka soko mar Neftoa, kendo nyaka mier man e got Efron. Kosekadho miego, nogomo kochomo Baala, miluongo bende ni Kiriath-jearim.

Joshua 18:13

Eka nochomo Luz yo milambo nyaka god Luz ma tinde iluongo ni Bethel. Bang’e nodhi nyaka Ataroth-adar e got man yo milambo mar Beth-horon mamwalo.

Joshua 18:15

Tong’gi ma yo milambo nochakore Kiriath-jearim, kochomo yo podho chieng’ nyaka soko mar Neftoa.

Joshua 9:17

Mano omiyo jo-Israel nochako wuoth, kendo bang’ ndalo adek ne gichopo e mier mane jogo odakie. Miego ne gin Gibeon gi Kefira gi Beeroth kod Kiriath-jearim.

1 Samuel 13:18

to oganda machielo ne luwo yo madhi Beth-horon, kendo oganda mar adek ne luwo yo mochiko gode, momanyore gi holo mar Zeboim gi thim.