Joshua 17:2 - MUMA MALER 2015

² Dhout jo-Manase modong’ ma gin joka Abiezer gi joka Helek gi joka Asriel gi joka Shekem gi joka Hefer kod joka Shemida, bende nopognigi piny. Mago ne gin dhout nyikwa Manase wuod Josef.

Motingʼo Loko Manyien

² Omiyo pokni nowene joka Manase mane odongʼ, kaka, anywola mar Abiezer, Helek Asriel, Shekem, Hefer, kod Shemida. Magi e nyikwa Manase ma wuod Josef mamoko machwo kaluwore gi anywolagi.

Joshua 17:2 Iomraidhean Croise

1 Weche mag Ndalo 7:18

Gilead ne nigi nyamin mare ma nyinge Hamoleketh, ma nonywolo Ishdod gi Abiezer kod Mala.

Joshua 17:1

Nopog ni jo-Manase dir piny nikech Manase ne e wuod Josef maduong’. Makir wuon Gilead nomi piny Bashan gi piny Gilead nikech ne en wuod Manase maduong’.

Joshua 17:3

Zelofehad wuod Hefer, ma wuod Gilead, ma wuod Makir, ma wuod Manase, nonywolo mana nyiri lilo, ma nyinggi Mala gi Noa gi Hogla gi Milka kod Tirza.

Jong’ad Bura 6:11

Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.

Jong’ad Bura 8:2

To Gideon nodwokogi niya, “Ere ndhath gima asetimo? Kata mana gima tinie ma un jo-Efraim usetimo, oloyo mago duto ma dhoodwa osetimo.