Joshua 17:11 - MUMA MALER 2015

¹¹ Bethshean kaachiel gi mier mokiewo kode gi joma nodak Ibleam gi Dor manie dhonam, gi En-dor gi Taanak kod Megido, kaachiel gi mier matindo ma nokiewo kodgi ne nie bwo jo-Manase, kata obedo ni ne gin e pinje mag jo-Isakar gi jo-Asher kamano.

Motingʼo Loko Manyien

¹¹ E Isakar kod Asher, Manase ne nitie bende kod Beth Shan, Ibleam kod jo-Dor, Endor, Tanak kod Megido, kaachiel gi jogo mane odak machiegni kodgi, ngʼat mar adek e kwan-no ne en Nafoth.

Joshua 17:11 Iomraidhean Croise

2 Samuel 21:12

nodhi mokawo choke Saulo kod choke Jonathan wuod Saulo kuom jo-Jabesh-gilead. Noyudo jo-Jabesh-gilead osekawogi ling’ling’ e paw dala mar Bethshan, kama jo-Filistia nolierogie bang’ nego Saulo Gilboa.

1 Ruodhi 9:15

Tije mane ruoth Solomon otiyo gi joma nichuno mondo oti gi thwon e magi: nogero Od Ruoth Nyasaye, gi ode owuon, gi Milo, kod ohinga mar Gezer, gi Hazor, gi Megido kod Gezer.

2 Ruodhi 9:27

Kane Ahazia ruodh Juda oneno gima otimore, noringo kochomo Beth-hagan. Jehu nolawe, kawacho niya, “En bende negeuru!” Mi ne gichwowe ka geche idho got Gur, machiegni gi Ibleam. Noringo nyaka Megido, motho kuro.

1 Weche mag Ndalo 6:70

Jo-Kohath modong’ noyudo Aner gi Bileam kod legegi e piny mane jo-Manase konchiel odakie.

1 Weche mag Ndalo 7:29

To jo-Manase ne nigi Beth-shean gi Taanak gi Megido kod Dor gi mier matindo mokiewo kodgi. Ji duto ma nodak e miergo ne nyikwa Josef wuod Israel.

2 Weche mag Ndalo 35:22

Kata kamano Josia ne ok nyal weye, to noramo arama ni nyaka oked kode. Ne ok odewo wach mane Nyasaye omiyo Neko owacho, to nodhi adhiya mi girado e paw Megido.

Zaburi 83:10

Ne oneggi Endor, mi ringregi odong’ katop kuno,

Jeremia 49:2

Onge wach! To kata kamano, ndalo biro ma anami joma odak e dala mar Raba winj mahu mar lweny. Dala maduong’ mar jo-Amonno nodong’ gunda, kendo mier matindo tindo mokiewo kode nowang’ chuth. Bang’e jo-Israel nochak okaw pinygi kuom joma nomayogigo. An Ruoth Nyasaye ema awacho kamano.

Zekaria 12:11

“E kindeno ywak nobed malich Jerusalem mana ka ywak mane oywaggo Hadad-rimon e paw Megido.

Joshua 11:2

kod ruodhi mae piny gode ma yo nyandwat, gi holo mar aora Jordan man yo milambo mar Kinereth, kod mae pewe, gi mae piny Dor yo podho chieng’.

Joshua 12:21

gi Taanak gi Megido

Joshua 12:23

gi Dor e piny Dor gi Gaim-galili

Joshua 16:9

kaachiel gi mier moko mane omigi ei piny jo-Manase kod mier matindo mokiewo kodgi.

Joshua 17:10

Piny Efraim ne ni yo milambo mar aorano, to piny Manase ne ni yo nyandwat, ka Nam Mediterenia obedo tong’gi giduto. Jo-Manase nokiewo kod jo-Asher gi yo nyandwat, kendo kod jo-Isakar gi yo milambo.

Joshua 17:16

To joka Josef nowachone niya, “Adier piny godeno ok oromowa, to bende jo-Kanaan modak Beth-sheam gi mier mokiewo kode kaachiel gi mago modak e paw Jezreel, nigi geche lweny mag nyinyo!”

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.

Jong’ad Bura 5:19

Ruodhi nobiro mokedo Taanak, but aora mar Megido. Ee, ruodhi mag Kanaan nokedo, to ne ok giyako fedha.

1 Samuel 28:7

Bang’e Saulo nowacho ni jotichne niya, “Dwarnauru dhako ma ja nyakalondo, mondo adhi ire, apenj wach.” Jotichne nodwoke ni, “Nitie dhako moro ma janyakalondo modak Endor.”

1 Samuel 31:10

Ne giketo gik Saulo mag lweny e od nyisechegi mamon, miluongo ni Ashtaroth, kendo ne gitueyo ringre e kor ohinga mar Bethshan.

1 Samuel 31:12

thuondi duto nowuok, mowuotho otieno duto. Ne gigolo ringre Saulo kod ringre yawuote e ohinga mar Bethshan, mi gikelogi Jabesh, kendo ne giwirogi gi gik mang’ue ng’ar kanyo.