Joshua 15:9 - MUMA MALER 2015

⁹ Noluwo wi godno molor nyaka soko mar Neftoa, kendo nyaka mier man e got Efron. Kosekadho miego, nogomo kochomo Baala, miluongo bende ni Kiriath-jearim.

Motingʼo Loko Manyien

⁹ Koa ewi got, tongʼno nochiko yo thidhna mag pige mag Neftoa, mowuok koa e mier matindo mag Got Efron kendo modhi nyaka Baala (tiende ni, Kiriath Jearim).

Joshua 15:9 Iomraidhean Croise

2 Samuel 6:2

Eka nowuok kaachiel kodgi, modhi Baale-juda, mondo oom Sanduk mar Nyasaye, miluongogo nying Ruoth Nyasaye Manyalo Gik Moko Duto, mobet kuom kerubi kaka ruoth bet e kom duong’ne.

1 Weche mag Ndalo 13:6

Mi Daudi gi jo-Israel duto nodhi Baala, ma bende iluongo ni Kiriath-jearim, manie piny Juda, mondo giomie Sanduk mar Nyasaye miluongogo nying Ruoth Nyasaye, mobet kuom kerubi kaka ruoth bet e kom duong’ne.

Joshua 15:29

gi Baal gi Iyim gi Ezem

Joshua 15:60

Kiriath-baal, miluongo ni Kiriath-jearim, kod Raba ne maggi bende.

Joshua 18:15

Tong’gi ma yo milambo nochakore Kiriath-jearim, kochomo yo podho chieng’ nyaka soko mar Neftoa.

Joshua 9:17

Mano omiyo jo-Israel nochako wuoth, kendo bang’ ndalo adek ne gichopo e mier mane jogo odakie. Miego ne gin Gibeon gi Kefira gi Beeroth kod Kiriath-jearim.

Jong’ad Bura 18:12

Ne gidhi mi gibworo yo podho chieng’ mar Kiriath-jearim e piny Juda. Mano emomiyo kanyo pod iluongo ni Kambi-jo-Dan.

1 Samuel 6:21

Mi gioro joote ir jo-Kiriath-jearim, ka giwacho niya, “Jo-Filistia osedwoko Sanduk mar Ruoth Nyasaye. Biuru ukawe, ubed kode.” Omiyo jo-Kiriath-jearim nobiro, moomo Sanduk mar Ruoth Nyasaye.