Joshua 15:11 - MUMA MALER 2015

¹¹ Eka nochomo yo nyandwat nyaka Efron, mogomo kochiko Shikeron. Bang’ mano nokadho got Baala, kendo nodhi Jabneel, mogik e Nam Mediterenia.

Motingʼo Loko Manyien

¹¹ Nodhi nyaka yo nyandwat manie pewe mar Ekron kendo ogomo kochiko Shikeron, mi okalo nyaka Got Baala kendo ochopo Jabnel. Tongʼno nochopo nyaka e nam.

Joshua 15:11 Iomraidhean Croise

2 Ruodhi 1:16

Eka Elija nowacho ni ruoth niya, “Ruoth Nyasaye owacho kama: ‘Ok nikwo, to initho mana e kitanda minindoeno, nikech nioro joote ir Baalzebub nyasach Ekron mondo ipenje wach.’ ”

2 Ruodhi 1:6

Ne gidwoke niya, “Ng’at moro oromo kodwa, mowachonwa ni mondo wadog ir ruoth ma noorowa, wanyise ni Ruoth Nyasaye owacho kama: ‘Nyasaye onge Israel koso, momiyo ioro ji ir Baalzebub nyasach Ekron mondo ipenje wach? Kuom mano ok nikwo, to initho mana e kitanda minindoeno.’ ”

2 Weche mag Ndalo 26:6

Uzia nodhi kedo gi jo-Filistia, momuko ohinga mar Gath gi mar Jabne kod mar Ashdod. Nogero mier e gweng’ Ashdod kod kuonde moko e piny Filistia.

Kwan 34:6

“Tong’u ma yo podho chieng’ to nobed Nam Mediterenia, gi dho namno. Mano ema nobed tong’u ma yo podho chieng’.

Joshua 15:10

Koa Baala, nochiko got Seir, mokadho yo nyandwat mar got Jearim, miluongo bende ni Kesalon, nyaka Beth-shemesh, mochopo Timna.

Joshua 15:12

Nam Mediterenia ema notimo tong’ pinygi ma yo podho chieng’. Mano e tong’ ma nolworo dhout Juda duto.

Joshua 15:45

Ekron bende ne margi

Joshua 15:9

Noluwo wi godno molor nyaka soko mar Neftoa, kendo nyaka mier man e got Efron. Kosekadho miego, nogomo kochomo Baala, miluongo bende ni Kiriath-jearim.

Jong’ad Bura 1:18

To jo-Juda ne ok okawo Gaza gi Ashkelon gi Ekron, kata gwengegi.

1 Samuel 17:52

Jo-Israel gi jo-Juda nogiyo sigich lweny, mi giriembo jo-Filistia nyaka Gath kod dhoranga Ekron. Ringre jo-Filistia mane onegi noriere e yo, chakre Shaarim nyaka Gath kod Ekron.

1 Samuel 5:10

Omiyo ne gikowo sanduk mar Nyasaye Ekron. Kane ochopo Ekron, jo-Ekron noywak, kawacho niya, “Gisekelo Sanduk mar Nyasach Israel kuomwa mondo onegwa waduto.”

1 Samuel 5:8

Omiyo ne giluongo ruodhi duto mag jo-Filistia mondo gine ane gima ginyalo timo gi Sanduk mar Nyasach Israel. Jogo nodwokogi niya, “Goluru Sanduk mar Nyasach Israel, uter Gath.” Kuom mano, ne gigolo Sanduk mar Nyasach Israel, gitero kuno.

1 Samuel 7:14

Mier mane jo-Filistia okawo e lweny, noduogo ni jo-Isarel, kendo jo-Israel noreso gwenge duto manie kind Ekron gi Gath e lwet jo-Filistia. To bende kue nobedo e kind jo-Israel gi jo-Amor.