Joshua 14:11 - MUMA MALER 2015

¹¹ To pod atek mana kaka ne atek e kinde mane Musa oora, kendo pod anyalo kedo, kata timo gimoro amora monego atim.

Motingʼo Loko Manyien

¹¹ Kata kawuono pod ategno mana ka kinde mane Musa ooracha, kendo pod an-gi ilo mar dhi oko mondo akedi mana kaka ne an ndalo cha.

Joshua 14:11 Iomraidhean Croise

Zaburi 103:5

En ema omiya gik mabeyo mogundho e ngimana, omiyo anenora ng’ama pod tin, kendo man gi teko ka sibuor, kata ka ongo.

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Rapar mar Chik 31:2

“Koro hika gin mia achiel gi piero ariyo, kendo ok anyal dhi nyime gi telonu. To bende Ruoth Nyasaye osenyisa ni ok nang’ad aora Jordan.

Rapar mar Chik 33:25

Lodi mag dhorangeyene obed mag chuma gi mag mula, kendo tekone omedre ndalo duto.

Rapar mar Chik 34:7

Musa ne otho ka jahigni mia achiel gi piero ariyo, to ne pod en ng’at matek ma wang’e bith.

Joshua 14:10

Koro en higni piero ang’wen gabich nyaka ne Ruoth Nyasaye singre ni Musa e wachno e ndalo mane jo-Israel pod wuotho e thim. To Ruoth Nyasaye oserito ngimana kaka nosingore mi koro an jahigni piero aboro gabich.