Joshua 13:6 - MUMA MALER 2015

⁶ Pinyno oting’o jo-Sidon modak e piny gode, chakre Lebanon nyaka Misrefoth-maim. Anariemb jogo duto mondo oweni jo-Israel thuolo. To pinyno duto ipog ni jo-Israel mondo obed margi, kaka asechiki.

Motingʼo Loko Manyien

⁶ “Ne jogo duto modak kuonde motimo gode chakre Lebanon nyaka Misrefoth Maim, tiende ni, jo-Sidonia duto, an awuon abiro riembogi mondo giwene jo-Israel. Beduru gi adieri mar pogo ni jo-Israel pinyni kaka girkeni margi, mana kaka asechikoi.

Joshua 13:6 Iomraidhean Croise

Zaburi 80:8

Ne igolo yadh mzabibu e piny Misri, mi iriembo ogendini moko e pinygi, eka ipidhee,

Kwan 33:54

Nyaka upoge gi ombulu e kind dhoutu, mondo dhoot ka dhoot oyud lope. Dhoot maduong’ nyaka yud lowo maduong’ to dhoot matin nyaka yud matin. Pognigiuru mana kaka ombulu owacho, ka dhoot ka dhoot kendo joot ka joot yudo lopgi.

Joshua 1:6

Bed gi chir, kendo gi jing’o, nimar in ema nitel ni jogagi, ka gikawo piny mane asingora ni kweregi ni namigi.

Joshua 11:12

Kamano Joshua nomako ruodhigo monego, kendo noketho miechgi. Nonego ji duto ma nodak e miego, kendo noketho gik moko duto, kaka Musa jatich Ruoth Nyasaye nosechiko.

Joshua 11:8

Ruoth Nyasaye nochiwogi e lwet jo-Israel, mi jo-Israel noloyogi, kendo nolawogi yo nyandwat nyaka Sidon Maduong’, kendo yo podho chieng’ nyaka Misrefoth, kendo yo wuok chieng’ nyaka holo mar Mizpa. Ne ginegogi, ma onge kata ng’at achiel ma nodong’ ka ngima.

Joshua 13:7

Koro pog pinyni ni dhoudi ochiko kande, kaachiel gi jo-Manase konchiel.”

Joshua 23:13

to Ruoth Nyasaye ma Nyasachu ok noriembnugi kendo. Ginibednu mana kaka obadho mochiknu, kata bur mokunynu, kendo ginibednu malit ka del michwadogo otengau, kata ka kuthe ma tucho wengeu. Mano notimrenu nyaka uduto karu lal chuth e piny maber ma Ruoth Nyasaye osemiyouni.

Joshua 23:4

Omiyo winjuru! Asepogo ni dhoutu piny ogendini ma aseriembo kaachiel gi piny jogo ma pod odong’, chakre aora Jordan yo wuok chieng’, nyaka Nam Maditerenia man yo podho chieng’.

Joshua 23:5

Ruoth Nyasaye ma Nyasachu noriembnugi, mi unukaw pinygi kaka osesingorenu.