Joshua 13:31 - MUMA MALER 2015

³¹ Kamano dir Gilead konchiel gi Ashtaroth kod Edrei, ma gin joka Makir wuod Manase, tiende ni dhout joka Makir konchiel.

Motingʼo Loko Manyien

³¹ bende nokawo nus mar jo-Gilead, gi Ashtaroth kod Edrei (ma gin mier madongo mag Og ruodh Bashan). Magi e pok mane omi nyikwa Makir wuod Manase, tiende ni nus mar dhood Makir konchiel.

Joshua 13:31 Iomraidhean Croise

1 Weche mag Ndalo 6:71

Joka Gershon noyudo Golan manie piny Bashan gi legene kod Ashtaroth bende gi legene e piny mane jo-Manase komachielo odakie.

Zaburi 60:7

Piny Gilead gi piny Manase gin maga. Efraim en oguta, kendo Juda en ludha mar loch.

Ezekiel 48:4

Eka lop joka Manase nobed kaluwo lop Naftali.

Joshua 12:4

Bende ne ginego Og ruodh Bashan, ma nodak Ashtaroth gi Edrei. Ne en achiel kuom jo-Refaim manok ma nodong’.

Joshua 13:12

Piny Bashan noting’o piny Og duto, mane Og orito kodak Ashtaroth gi Edrei. E ndalo mane Musa onegoe jo-Refaim manok ma nodong’, mokawo pinygi, Og kende ema notony.

Joshua 13:32

Mago e pinje mane Musa opogo ni dhoudigo e paw Moab, yo wuok chieng’ mar Jordan.

Joshua 17:5

Jo Manase noyudo pok apar, ka ok okwan piny Gilead gi piny Bashan man yo wuok chieng’ mar aora Jordan,

Joshua 17:6

nikech nopog piny ni nyikwa Manase manyiri kaachiel gi nyikwaye ma yawuowi. Piny Gilead nobedo pok mar nyikwa Manase modong’.

Joshua 9:10

kendo gima notimo ni ruodhi ariyo mag jo-Amor man yo wuok chieng’ mar Jordan, ma gin Sihon ruodh Heshbon kod Og ruodh Bashan ma nodak Ashtaroth.

Jong’ad Bura 10:6

Timbe jo-Israel nochako odoko maricho e nyim Ruoth Nyasaye. Ne gitiyo ni nyiseche manono kaka Baal gi Ashtaroth gi nyiseche mag jo-Aram gi mag jo-Sidon gi mag jo-Moab gi mag jo-Amon kod mag jo-Filistia. Ne giweyo Ruoth Nyasaye, mi ok gilame.

Jong’ad Bura 5:17

Jo-Gilead bende nodong’ loka Jordan. To ang’o momiyo jo-Dan nodong’ kuma yiedhi gowoe? Jo-Asher nobet e dhonam, kuma aore wuokie.

1 Samuel 12:10

Ne giywak ni Ruoth Nyasaye ka giwacho niya, ‘Waseketho, nikech waseweyi, kendo waselamo Baal gi Ashtaroth, to koro mondo ireswa e lwet wasikwa, kendo wanatini.’

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”