Joshua 13:14 - MUMA MALER 2015

¹⁴ Jo-Lawi kende ema ne ok oyudo piny, nimar Ruoth Nyasaye ma Nyasach Israel ema nobedo ka mwandugi, kaka nosesingorenigi.

Motingʼo Loko Manyien

¹⁴ To dhood Lawi ne ok omiyo girkeni, nikech chiwo mane ochiw kokalo e mach ne Jehova Nyasaye, ma Nyasach Israel e girkeni margi, mana kaka ne osingonigi.

Joshua 13:14 Iomraidhean Croise

Ezekiel 44:28

“Jodolo ok noyud lowo mopognigi e piny Israel ka mwandugi, to an Ruoth Nyasaye ema nabed mwandugi.

Ezekiel 44:29

Misengni mag cham kod misengni mag golo richo gi ketho ema nobed chiembgi. Bende giniyud gik moko duto mowalna e Israel.

Rapar mar Chik 10:9

Mano emomiyo jo-Lawi onge gi piny mopognigi ka mwandugi, kaka opog ni dhout Israel mamoko. Ruoth Nyasaye ma Nyasachu owuon e mwandugi, mana kaka nosesingorenigi.

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Rapar mar Chik 12:19

Ndalo duto ma un e piny nyaka une ni ok ujwang’o jo-Lawi.

Joshua 13:13

To jo-Israel ne ok oriembo jo-Geshur gi jo-Maakath, omiyo pod gidak gi jo-Israel nyaka chil kawuono.

Joshua 13:15

Musa nosepogo piny gi dhout jo-Reuben.

Joshua 13:33

To ne ok opogo ni jo-Lawi piny, nimar Ruoth Nyasaye ma Nyasach Israel nobedo ka mwandugi, kaka nosesingorenigi.

Joshua 18:7

To jo-Lawi ok noyud lowo kaka uyudo, nimar pokgi en bedo jodolo mag Ruoth Nyasaye, kendo jo-Gad gi jo-Reuben gi jo-Manase konchiel bende ok nopognigi nikech giseyudo lopgi loka Jordan mane Musa jatich Ruoth Nyasaye omiyogi.”