Joshua 12:6 - MUMA MALER 2015

⁶ Musa jatich Nyasaye kod jo-Israel nonegogi duto, mokawo pinygi. Nomiyo jo-Reuben gi jo-Gad kod jo-Manase konchiel pinyno mondo obed margi.

Motingʼo Loko Manyien

⁶ Musa, jatich Jehova Nyasaye kod jo-Israel noloyogi kendo Musa ma jatich Jehova Nyasaye nochiwo pinygino ne jo-Reuben, jo-Gad gi nus mar dhood Manase mondo obed kaka girkeni mag-gi.

Joshua 12:6 Iomraidhean Croise

1 Ruodhi 4:19

Geber wuod Uri ne rito piny Gilead; (enie piny mane Sihon ruodh jo-Amor, kod Og ruodh Bashan rito chon.) To ne nitie jaduong’ achiel kende mane rito piny Juda.

Kwan 32:29

“Ka jo-Gad gi jo-Reuben duto ma jolweny ong’ado aora Jordan kodu mondo oked e nyim Ruoth Nyasaye, mi ukawo pinyno, to nyaka upognigi piny Gilead.

Kwan 32:32

Waduto mwaromo dhi e kedo wabiro ng’ado loka cha e nyim Ruoth Nyasaye, to lopwa nobed mana loka Jordan koni.”

Kwan 32:33

Omiyo Musa nomiyo jo-Gad gi jo-Reuben kod nus jo-Manase wuod Josef piny Sihon ruodh jo-Amor, gi piny Og ruodh Bashan duto, kaachiel gi miechgi kod gwenge mokiewo kodgi.

Joshua 14:3

Musa nosepogo ni dhoudi ariyo gi nus kande pinygi loka Jordan, to ne ok opogo ni jo-Lawi piny kaka nopogo ni dhoudi mamoko.

Joshua 18:7

To jo-Lawi ok noyud lowo kaka uyudo, nimar pokgi en bedo jodolo mag Ruoth Nyasaye, kendo jo-Gad gi jo-Reuben gi jo-Manase konchiel bende ok nopognigi nikech giseyudo lopgi loka Jordan mane Musa jatich Ruoth Nyasaye omiyogi.”

Joshua 22:4

To koro Ruoth Nyasaye osemiyo oweteu pinyni kaka nosingorenigi, omiyo unyalo dok e miechu manie piny mane Musa jatich Ruoth Nyasaye omiyou yo wuok chieng’ mar aora Jordan.