Joshua 11:8 - MUMA MALER 2015

⁸ Ruoth Nyasaye nochiwogi e lwet jo-Israel, mi jo-Israel noloyogi, kendo nolawogi yo nyandwat nyaka Sidon Maduong’, kendo yo podho chieng’ nyaka Misrefoth, kendo yo wuok chieng’ nyaka holo mar Mizpa. Ne ginegogi, ma onge kata ng’at achiel ma nodong’ ka ngima.

Motingʼo Loko Manyien

⁸ kendo Jehova Nyasaye nochiwogi e lwet jo-Israel. Negiloyogi mi gilawogi nyaka dala maduongʼ mar Sidon, nyaka Misrefoth Maim kendo nyaka Holo mar Mizpa ma yo wuok chiengʼ, maonge joma notony.

Joshua 11:8 Iomraidhean Croise

Chakruok 10:15

Kanaan nonywolo yawuowi ariyo. Ne gin Sidon, ma wuode ma kayo, kod Heth.

Chakruok 49:13

“Zebulun nodag e dho nam, kama yiedhi gowoe, kendo mbape nogik Sidon.

2 Samuel 24:6

Eka ne gidhi Dan, mi kane giwuok kuro, ne giluwo piny nyaka Sidon,

Isaya 23:4

Dala mar Sidon, ma en dhowath mochiel motegno, noywagi ka wiye okuot ka wacho niya, “Tinde ok awinj rem mar muoch. Nyithindo bende ok anywol. Aonge gi nyithindo ma yawuowi kata ma nyiri ma apidho.”

Zekaria 9:2

Dala mar Hamath, mokiewo gi Hadrak bende mare, kaachiel gi mier ma Turo gi Sidon, kata obedo ni joma odak kuondego riek kamano,

Rapar mar Chik 7:2

Kosechiwogi e lwetu kamano, muloyogi to nyaka uneggi duto. Kik utim kodgi winjruok, to bende kik uwe mak utiekogi,

Rapar mar Chik 9:3

To ubiro ng’eyo kawuono ni Ruoth Nyasaye ma Nyasachu ema otelonu kachalo mach matieko gik mowang’o. Obiro tiekogi en owuon, kendo obiro loyonugi. Kuom mano, ubiro riembogi kendo tiekogi piyopiyo, mana kaka Ruoth Nyasaye nosingorenu.

Joshua 10:20

Joshua kod jo-Israel nonego jo-Amor motieko, mak mana ji manok ma nodonjo e mier mochiel gi ohinga ema notony.

Joshua 11:3

Nooro wach bende ni jo-Kanaan ma yo wuokchieng’ gi ma yo podho chieng’, kendo ni jo-Amor gi jo-Hiti gi jo-Perizi gi jo-Jebus ma nodak e piny gode, kod jo-Hivi ma nodak e tiend got Hermon e piny Mizpa.

Joshua 11:7

Kamano Joshua kod jolwenje nopoyogi e dho kuonde motimo thidhiya mag Merom, mi gimwomore kuomgi.

Joshua 13:6

Pinyno oting’o jo-Sidon modak e piny gode, chakre Lebanon nyaka Misrefoth-maim. Anariemb jogo duto mondo oweni jo-Israel thuolo. To pinyno duto ipog ni jo-Israel mondo obed margi, kaka asechiki.

Joshua 19:28

gi Abdon gi Rehob gi Hamon kod Kana, mochopo Sidon Maduong’.

Joshua 21:44

Ruoth Nyasaye nomiyogi kue e tong’gi duto kaka nosesingore ni kweregi. Onge wasikgi kata achiel mane nyalo sirogi, nikech Ruoth Nyaaye ema nomiyo giloyogi duto.