Joshua 11:6 - MUMA MALER 2015

⁶ Ruoth Nyasaye nowacho ni Joshua niya, “Kik iluorgi, nimar kiny sa makama nachiwgi e lwet jo-Israel, kendo giduto ginitho, mi ning’ad odond faresegi kendo niwang’ gechegi.”

Motingʼo Loko Manyien

⁶ Jehova Nyasaye nowachone Joshua niya, “Kik uluorgi, nikech kiny sa machalo kama abiro chiwogi duto ne jo-Israel mi gineg-gi. Nyaka ungʼad odond tiend faresegi kendo uwangʼ gechegi.”

Joshua 11:6 Iomraidhean Croise

2 Samuel 8:4

Daudi nomako joidh farese alufu achiel gi mia abiriyo, kod jolweny moko alufu piero ariyo. Nong’ado odond farese duto mag geche lweny moweyo mana farese mia achiel.

2 Ruodhi 6:16

Nodwoke niya, “Kik iluor, nimar jowa ng’eny moloyogi.”

2 Weche mag Ndalo 20:16

Kiny uwuognigi awuoga. Gibiro biro ka giluwo yor Ziz, kendo unuyudgi e giko pony, yo wuok chieng’ mar thim Jeruel.

Zaburi 46:10

Owacho niya, “Weuru lweny, eka ung’e ni an e Nyasaye. An gi loch kuom ogendini kendo kuom piny ngima.”

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Ngeche 20:7

Nyithindo ma wuon-gi jaadiera, kendo timo gik makare gin johawi.

Isaya 30:16

mi uwacho niya, “Ooyo, wabiro idho farese mondo waringi.” To mano ber, ringuru aringa, uyombi, kunyalo! To kata obedo ni uringo matek manade, to wasiku biro ringo matek mi juku.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Ezekiel 39:9

Bang’e joma odak e miech Israel nodhi mondo ochok gi-lweny mojwang’, mondo obed yien ma gichwako. Kuodi gi okumbni, kod aserni gi atunge, kaachiel gi arunge kod tonge ma gichoko nobed yien moromogi chwako kuom higni abiriyo.

Hosea 14:3

Jo-Asuria ok nyal resowa, bende ok wanadwar geche mag lweny mondo waidhi. Ok wanachak wawach ni gik mwaseloso gi lwetwa niya, ‘Un e nyisechewa.’ A Ruoth Nyasaye, in ema itimo ng’wono ni joma onge ng’ama konyogi.”

Nahum 2:13

Ruoth Nyasaye wacho niya, “Asedoko mamon kodi, kendo abiro wang’o gecheni mag lweny! Nyithindi duto biro tho e lweny, kendo gik moko duto mane iyako nomayi. Bende dwond jotendi mioro ok nowinji.”

Rapar mar Chik 7:16

Tiekuru ji duto ma Ruoth Nyasaye ma Nyasachu biro chiwo e lwetu. Kik uwegi, to bende kik ulam nyisechegi, nikech kutimo kamano, to mano dibednu obadho.

Joshua 10:8

Ruoth Nyasaye nowachone niya, “Kik iluorgi, nikech asechiwogi e lweti, kendo onge kata ng’at achiel ma nosiri.”

Joshua 11:5

Ruodhigo duto noriwo paro achiel, mi ne gibiro, kendo gijot e dho kuonde motimo thidhiya mag Merom mondo gimonj jo-Israel.

Joshua 11:7

Kamano Joshua kod jolwenje nopoyogi e dho kuonde motimo thidhiya mag Merom, mi gimwomore kuomgi.

Joshua 11:9

Joshua nong’ado odond faresegi, kendo nowang’o gechegi, kaka Ruoth Nyasaye nochiko.

Joshua 3:5

Joshua nowacho ni ji niya, “Pwodhreuru nikech kiny Ruoth Nyasaye notimnu hono maduong’.”

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”

Jong’ad Bura 7:9

Otieno nogo Ruoth Nyasaye nowacho ni Gideon niya, “Chung’ idhi imonj kambi jo Midian, nikech aseketogi e lweti.

1 Samuel 11:9

Eka nowacho ni joote mane obiro niya, “Wachuru ni jo-Jabesh-gilead ni kiny gonyango giniyud konyruok.” Kane jootego odok, monyiso jo-Jabesh kamano, ne gidoko mamor,