Joshua 11:21 - MUMA MALER 2015

²¹ E ndalogo ema ne Joshua odhiye piny gode, motieko jo-Anak mane odak Hebron gi Debir gi Anab kendo e piny gode duto mag Juda kod mag Israel. Notiekogi duto, kendo noketho miechgi.

Motingʼo Loko Manyien

²¹ E ndalono mane Joshua odhi kendo otieko jo-Anak moa e piny gode, ema bende notieke joma odak, Hebron, Debir kod Anab, mago moa e pinje gode mag Juda, to gi moa e pinje gode mag Israel. Joshua notiekogi duto kod miechgi.

Joshua 11:21 Iomraidhean Croise

Jeremia 3:23

Onge resruok ma wanyalo yudo kuom lemo ewi gode, kata kuom joma goyo koko kuonde moting’ore. Konyruok ma wayudo wan jo-Israel, wuok mana kuom Ruoth Nyasaye ma Nyasachwa.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Amos 2:9

To koro eka un ema numiyo atieko jo-Amor ma raboche ka yiend sida, kendo matek ka yiend ober. Ne atiekogi pep!”

Kwan 13:33

Kane wagoyo wang’wa kuom jo-Nefili, to ne waneno ka wachalo mana dede, bende mano e kaka ne wachalonigi.” (Jo-Anak gin nyikwa Nefili.)

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Rapar mar Chik 2:21

Ne gin oganda maratego ahinya, kendo mane nigi ji mang’eny. Ne gin joma raboche mana ka jo-Anakim, to Ruoth Nyasaye notiekogi, kane gitemo geng’o ni jo-Amon mane monjogi, mi jo-Amon nokawo pinygi mi odakie.

Rapar mar Chik 9:2

Gin joma dongo kendo maboyo ma nyikwa Anakim, kaka ung’eyo, nimar usewinjo ka iwacho niya, ‘Ere joma nyalo siro nyikwa Anakim?’

Joshua 10:42

Joshua nomako ruodhigo duto, kaachiel gi pinjegi e lweny achielno, nimar Ruoth Nyasaye ma Nyasach Israel nokedo ni joge.

Fweny 6:2

Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.

Jong’ad Bura 1:20

Hebron nopog ni Kaleb, kaka Musa nosechiko, kendo Kaleb noriembo yawuot Anak adek ma noyudo kuno.