Joshua 11:2 - MUMA MALER 2015

² kod ruodhi mae piny gode ma yo nyandwat, gi holo mar aora Jordan man yo milambo mar Kinereth, kod mae pewe, gi mae piny Dor yo podho chieng’.

Motingʼo Loko Manyien

² kod ruodhi mae piny gode ma yo nyandwat e Araba ma milambo mar Kinereth, e tiend gode ma yo podho chiengʼ kod e Nafoth Dor mantiere yo podho chiengʼ.

Joshua 11:2 Iomraidhean Croise

1 Ruodhi 15:20

Ben-hadad noyie kwayo mar ruoth Asa, mi nooro jotend ogend lweny mondo omonj miech Israel. Noketho Ijon, gi Dan, gi Abel-beth-Maaka, gi paw Kineroth duto, kod piny Naftali.

1 Ruodhi 4:11

wuod Abinadab, ma chiege Tafath nyar Solomon, ne rito piny Dor duto;

Kwan 34:11

Bang’e noridre koa Shefam nyaka Ribla yo wuok chieng’ mar Ain, molor nyaka gode man yo wuok chieng’ mar Nam Galili.

Luka 1:39

Bang’ mano Maria nowuok, moreto kodhi e dala moro e piny gode mag Juda.

Luka 5:1

Chieng’ moro kane Yesu ochung’ e dho nam Galili, ji nothung’e mondo owinj wach Nyasaye.

Joshua 10:40

Kamano Joshua nokawo pinyno duto. Noloyo ruodhi mag piny gode, kod mag piny milambo, gi mag pewe, kod mag kuonde motimo thidhiya. Nonego ji duto, ma ok oweyo ng’ato otony kata achiel, kotieko gimoro amora ma yueyo, kaka Ruoth Nyasaye ma Nyasach Israel nosechiko.

Joshua 10:6

To jo-Gibeon nooro wach ni Joshua e kambi Gilgal ka giwachone niya, “Bi ikonywa, kik iwewa, nikech ruodhi mag jo-Amor modak e piny gode oseriwore mondo onywaknwa. Omiyo bi mondo ireswa.”

Joshua 11:16

Joshua nokawo piny gode gi piny milambo duto gi piny Goshen duto, kaachiel kod pewe gi holo mar aora Jordan kod piny gode mag Israel gi pewe mokiewo kode.

Joshua 11:21

E ndalogo ema ne Joshua odhiye piny gode, motieko jo-Anak mane odak Hebron gi Debir gi Anab kendo e piny gode duto mag Juda kod mag Israel. Notiekogi duto, kendo noketho miechgi.

Joshua 12:23

gi Dor e piny Dor gi Gaim-galili

Joshua 12:3

ne nie pinye kaachiel gi piny man yo wuok chieng’ mar aora Jordan, chakre Nam Galili nyaka Nam Araba, miluongo ni Nam Kado, koluwo yor Beth-jeshimoth, kochomo yo milambo nyaka got Pisga.

Joshua 13:27

To pinygi mane nie holo mar aora Jordan noting’o Beth-haram gi Beth-nimra gi Sukoth gi Zafan kod bath piny Sihon ruodh Heshbon modong’. Pinygino ne ni yo wuokchieng’ mar aora Jordan kendo Jordan nyaka Nam Galili nodoko mbape.

Joshua 17:11

Bethshean kaachiel gi mier mokiewo kode gi joma nodak Ibleam gi Dor manie dhonam, gi En-dor gi Taanak kod Megido, kaachiel gi mier matindo ma nokiewo kodgi ne nie bwo jo-Manase, kata obedo ni ne gin e pinje mag jo-Isakar gi jo-Asher kamano.

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.