Joshua 11:14 - MUMA MALER 2015

¹⁴ Ne gipeyo dhok, mi giyako gimoro amora mane giyudo e miego, kendo ne ginego ji duto, ma ok giweyo kata ng’at achiel ka yueyo.

Motingʼo Loko Manyien

¹⁴ Jo-Israel noyako gik moko duto kod kweth jamni mag mier madongogi, kendo neginego ji duto maonge ngʼama notony kata achiel.

Joshua 11:14 Iomraidhean Croise

2 Weche mag Ndalo 20:25

Kane Jehoshafat kod joge odhi mondo oyeki, ne giyudo dhok mathoth, gi mwandu gi lewni kod gik moko mabeyo mang’eny, mane ok ginyal ting’o duto. Ne gitieko ndalo adek ka pod giyeko, nimar gigo ne ng’eny ahinya.

Kwan 31:9

Jo-Israel nomako mond jo-Midian gi nyithindgi, kendo ne giyako jambgi kod mwandugi duto.

Rapar mar Chik 20:14

To unyalo kawo mon gi nyithindo, kendo yako jamni kod gik moko duto manie dalano, mi ukonyru gi gik ma Ruoth Nyasaye oseketo e lwetugo kaka uhero.

Rapar mar Chik 20:16

To e miech ogendini ma Ruoth Nyasaye ma Nyasachu biro miyougo, kik uweyee kata gimoro achiel ka ngima.

Joshua 10:40

Kamano Joshua nokawo pinyno duto. Noloyo ruodhi mag piny gode, kod mag piny milambo, gi mag pewe, kod mag kuonde motimo thidhiya. Nonego ji duto, ma ok oweyo ng’ato otony kata achiel, kotieko gimoro amora ma yueyo, kaka Ruoth Nyasaye ma Nyasach Israel nosechiko.

Joshua 11:11

Ne ginego gimoro amora mangima mane ni kuno, ma onge gima yueyo ma nodong’, kendo ne giwang’o dalano.

Joshua 11:13

To jo-Israel ne ok owang’o mier mane oger ewi pidhe, mak mana Hazor kende ema ne Joshua owang’o.

Joshua 11:15

Ruoth Nyasaye noketo chikene e lwet Musa jatichne, to Musa nomiyogi Joshua, mi Joshua nochopo duto, ma ok oweyo kata chik achiel mane Ruoth Nyasaye omiyo Musa.

Joshua 8:2

kendo unutim ni Ai kod ruodhe mana kaka nutimo ni Jeriko kod ruodhe. To wang’ni unyalo kawo dhok kod gik moko muyudo kuno. Koro or jolweny moko mondo odhi opond yo podho chieng’ mar dalano.”

Joshua 8:27

Jo-Israel nokawo mana dhok gi mwandu mane giyudo, kaluwore gi wach mane Ruoth Nyasaye owacho ni Joshua.