Joshua 10:8 - MUMA MALER 2015

⁸ Ruoth Nyasaye nowachone niya, “Kik iluorgi, nikech asechiwogi e lweti, kendo onge kata ng’at achiel ma nosiri.”

Motingʼo Loko Manyien

⁸ Jehova Nyasaye nowachone Joshua niya, “Kik iluorgi; asechiwogi e lwetu. Onge kata ngʼata achiel kuomgi mabiro sirou.”

Joshua 10:8 Iomraidhean Croise

1 Ruodhi 20:13

Eka janabi moro nobiro ir Ahab ruodh Israel, mowachone niya, “Ruoth Nyasaye owacho kama: ‘Donge ineno oganda maduong’ni? Kawuono eka abiro chiwogi e lweti, mi ining’e ni an e Ruoth Nyasaye.’ ”

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Rapar mar Chik 3:2

To Ruoth Nyasaye nowachona niya, ‘Kik uluor Og, nimar asechiwe kaachiel gi joge kod pinye e lwetu. Timneuru mana kaka nutimo ni Sihon ruodh jo-Amor mane odak Heshbon.’

Rapar mar Chik 7:24

Enochiw ruodhi mag ogedinigo e lwetu, mi unumi kargi lal chuth, kendo onge kata ng’at achiel kuomgi ma nosiru, to unutiekgi pep.

Joshua 10:25

Eka Joshua nowacho ni jotelogo niya, “Kik uluor kata kik chunyu nyosre. Beduru gi chir kendo gi jing’o, nimar mano e kaka Ruoth Nyasaye notim ni wasigu duto mubiro kedogo.”

Joshua 10:9

Eka Joshua noa Gilgal, mowuotho otieno duto nyaka Gibeon. Nomonjo jo-Amor apoya,

Joshua 11:6

Ruoth Nyasaye nowacho ni Joshua niya, “Kik iluorgi, nimar kiny sa makama nachiwgi e lwet jo-Israel, kendo giduto ginitho, mi ning’ad odond faresegi kendo niwang’ gechegi.”

Joshua 8:1

Ruoth Nyasaye nowacho ni Joshua niya, “Kik iluor, kendo kik chunyi nyosre. Kaw jolweny duto, kendo dhi imonj Ai. Anachiw ruodh Ai gi dalane gi joge kod pinye e lweti,

Jong’ad Bura 6:16

Ruoth Nyasaye nowachone niya, “Anabed kodi mi initiek jo-Midian. Inilogi mana ka gima en ng’at achiel.”

Jong’ad Bura 7:9

Otieno nogo Ruoth Nyasaye nowacho ni Gideon niya, “Chung’ idhi imonj kambi jo Midian, nikech aseketogi e lweti.

1 Samuel 17:47

Kamano joma ochokore ka duto biro ng’eyo ni Nyasaye ok res joge gi ligangla kod tong’. Lweny en mar Ruoth Nyasaye, kendo en ema obiro ketou e lwetwa.”