Joshua 10:40 - MUMA MALER 2015

⁴⁰ Kamano Joshua nokawo pinyno duto. Noloyo ruodhi mag piny gode, kod mag piny milambo, gi mag pewe, kod mag kuonde motimo thidhiya. Nonego ji duto, ma ok oweyo ng’ato otony kata achiel, kotieko gimoro amora ma yueyo, kaka Ruoth Nyasaye ma Nyasach Israel nosechiko.

Motingʼo Loko Manyien

⁴⁰ Omiyo Joshua nokawo gwengʼno duto kaachiel gi piny manie got ma en Negev, e tiend gode ma yo podho chiengʼ, to gi kuonde mag pewe kaachiel gi ruodhigi duto. Onge joma notony. Notieko jogo duto mangima, mana kaka Jehova Nyasaye, ma Nyasach Israel, nosechiko.

Joshua 10:40 Iomraidhean Croise

1 Ruodhi 15:29

Gikanyono kosedoko ruoth, nonego jood Jeroboam duto. Notieko od Jeroboam chuth, ma ok oweyo kata ng’at achiel kangima, mana kaka Ruoth Nyasaye nosemiyo Ahija ja-Shilo ma jatichne owacho.

Nehemia 9:24

Kane nyikwagi odonjo e pinyno mokawo, niloyonigi jo-Kanaan mane oyudo odak kuno, michiwogi kaachiel gi ruodhigi e lwet jo-Israel mondo otim kodgi gima gihero.

Zaburi 9:17

Piny joma otho ema joricho duto ochomo, kendo e kar jogo duto modagi Nyasaye.

Wuok 34:12

Ritreuru mondo une ni ok utimo winjruok moro gi jopiny mudhiyeno, nono to gilokorenu obadho.

Kwan 13:17

Kane Musa dwaro orogi mondo gidhi gicheng pinyno, nowachonigi niya, “Chikuru yo milambo mar pinyno, bang’e uidh e piny gode.

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.

Rapar mar Chik 2:34

Kinde nogono bende ema ne wakawoe mier mage duto, mwaketho chuth, kendo wanego ji duto mane odakie, chwo gi mon kod nyithindo. Onge ng’ato kata achiel mane waweyo ka ngima.

Rapar mar Chik 7:24

Enochiw ruodhi mag ogedinigo e lwetu, mi unumi kargi lal chuth, kendo onge kata ng’at achiel kuomgi ma nosiru, to unutiekgi pep.

Joshua 10:35

mi gikawe mana odiechieng’no. Ne ginego ji duto modakie, kod gimoro amora mangima mane ni kuno, mana kaka ne gitimo Lakish.

Joshua 10:37

Ne gikawe, mi ginego ruodhe kod gimoro amora mangima mane ni kuno, kaachiel gi mago mane nie mier matindo mokiewo kode. Joshua noketho dalano chuth, ma ok oweyo kata ng’at achiel kangima, mana kaka ne gitimo Eglon.

Joshua 10:39

Ne gikawe kaachiel gi ruodhe kod mier matindo mokiewo kode, mi ne ginego ji duto kod gimoro amora mangima mane ni kuno. Ne ok giweyo ng’ato otony kata achiel. Ne gitimo ni Debir gi ruodhe mana kaka ne gitimo ni Hebron kod Libna gi ruodhi maggi.

Joshua 11:16

Joshua nokawo piny gode gi piny milambo duto gi piny Goshen duto, kaachiel kod pewe gi holo mar aora Jordan kod piny gode mag Israel gi pewe mokiewo kode.

Joshua 12:8

Ne en piny gode gi pewe gi holo mar aora Jordan gi kuonde motimo thidhiya gi piny milambo. Kuondego ema jo-Hiti gi jo-Amor gi jo-Kanaan gi jo-Perizi gi jo-Hivi kod jo-Jebus odakie.

Joshua 18:21

Miech jo-Benjamin, kaluwore gi dhoutgi, ne gin Jeriko, gi Beth-hogla, gi Emek-keziz,

Joshua 6:17

To joma odakie kaachiel gi gik moko duto manie iye noketh chuth, kendo dhano ok nomulgi, to ginibed gik mochiw ni Ruoth Nyasaye. Rahab gi ji duto manie ode kende ema nowe ka ngima, nikech en ema nopando jombetre mane waoro.

Joshua 8:2

kendo unutim ni Ai kod ruodhe mana kaka nutimo ni Jeriko kod ruodhe. To wang’ni unyalo kawo dhok kod gik moko muyudo kuno. Koro or jolweny moko mondo odhi opond yo podho chieng’ mar dalano.”

Joshua 8:27

Jo-Israel nokawo mana dhok gi mwandu mane giyudo, kaluwore gi wach mane Ruoth Nyasaye owacho ni Joshua.

Joshua 9:24

Ne gidwoke niya, “Ruoth, ne watimo kamano nikech nonyiswa ni Ruoth Nyasaye ma Nyasachi nochiko Musa jatichne ni mondo ochiwnu pinyni duto, kendo ni mondo uneg ji duto modakie. Kuom mano, birou osemiyo kihondko omakowa.