Joshua 10:3 - MUMA MALER 2015

³ Omiyo Adoni-zedek ruodh Jerusalem nooro wach ni Hoham ruodh Hebron, gi Piram ruodh Jarmuth, gi Jafia ruodh Lakish, kod Debir wuod Eglon, kowachonogi niya,

Motingʼo Loko Manyien

³ Omiyo Adoni-Zedek ruodh Jerusalem nokwayo Hoham, ruodh Hebron, Piram ruodh Jarmuth, Jafia ruodh Lakish kod Debir ruodh Eglon niya,

Joshua 10:3 Iomraidhean Croise

Chakruok 23:2

Bang’e notho Kiriath-arba, ma tinde iluongo ni Hebron, manie piny Kanaan. Ibrahim nodonjo e hembe moywage.

Chakruok 37:14

Wuon mare nowachone niya, “Dhiyo ine ane ka oweteni ngima, kendo kwayo jamni maber, mondo idwokna wach.” Kamano nooro Josef Shekem, mi Josef nochako wuoth koa e holo mar Hebron kuma ne gidakie.

2 Samuel 2:11

kendo Daudi nobedo ruoth kuom higni abiriyo gi dueche auchiel kodak Hebron.

2 Ruodhi 18:14

Eka Hezekia ruodh Juda nooro wach ni ruodh Asuria mane oyudo ni Lakish niya, “Aseketho to we kedo koda kendo, nikech ayie chulo gimoro amora midwaro.” Kamano ruodh Asuria nodwaro kuome fedha ma romo kilo alufu apar, kod dhahabu moromo kilo alufu achiel.

2 Ruodhi 18:17

Ruodh Asuria nooro Tartan gi Rabsaris kod Rabshake, ma jodonge, kaachiel gi oganda lweny maduong’, ir Hezekia, mi ne giwuok Lakish ka gidhi Jerusalem. Kane gichopo kuno, ne gichung’ but fereji mane golo pi e Yawo Mamalo, e yo maduong’ madhi e puodho miluongo ni Puoth Jalwok Lewni.

2 Weche mag Ndalo 11:9

Adoraim, Lakish, Azeka,

Jeremia 34:7

E kindeno jolweny mag ruodh Babulon noyudo monjo Jerusalem, kaachiel gi Lakish kod Azeka. Mier ariyogo kende e miech Juda mochiel motegno mane pok okaw.

Mika 1:13

Un joma odak Lakish, tueuru fareseu e geche lweny. Ne uluwo timbe maricho mag Israel, mi umiyogo jo-Jerusalem odonjo e richo.

Kwan 13:22

Ne giidho ka ging’ado piny milambo, mi gichopo Hebron, kuma ne Ahiman gi Sheshai kod Talmai ma nyikwa Anak odakie. (Hebron noger higni abiriyo kapok oger Zoan man e piny Misri.)

Joshua 10:1

Adoni-zedek ruodh Jerusalem nowinjo ni Joshua okawo Ai, moketho chuth, kendo osetimo ni Ai gi ruodhe mana kaka notimo ni Jeriko gi ruodhe. Nowinjo bende ni jo-Gibeon osetimo winjruok mar kue gi jo-Israel, kendo odak kodgi.

Joshua 10:23

Mi ne gitimo kamano. Ne gin ruodhi mag Jerusalem gi Hebron gi Jarmuth gi Lakish kod Eglon.

Joshua 10:34

Joshua kod jo-Israel duto noa Lakish modhi Eglon. Ne gilwore kendo gimonje,

Joshua 10:5

Kamano ruodhi mag Jerusalem gi Hebron gi Jarmuth gi Lakish kod Eglon, ma gin ruodhi abich mag jo-Amor, noriwo jolwenjgi kaachiel, mi gimonjo Gibeon.

Joshua 14:15

Koro piny nobedo mokue. E ndalo machon niluongo Hebron ni Kiriath-arba, tiende ni, dala Arba. Arbano ne jaduong’ jo-Anak.

Joshua 15:54

gi Humta gi Kiriath-arba, miluongo bende ni Hebron, kod Zior. Giduto ne gin mier ochiko.

Joshua 15:63

Jo-Juda ne ok nyal riembo jo-Jebus ma nodak Jerusalem, omiyo pod gidak kodgi kuno, nyaka chil kawuono.

Joshua 18:28

gi Zela, gi Ha-elef gi Jebuz (ma tinde iluongo ni Jerusalem,) gi Gibea, kod Kiriath-jearim. Giduto ne gin mier apar gang’wen ka ok okwan mier matindo mane okiewo kodgi. Mago e mier mane opog ni dhout Benjamin.