Joshua 10:20 - MUMA MALER 2015

²⁰ Joshua kod jo-Israel nonego jo-Amor motieko, mak mana ji manok ma nodonjo e mier mochiel gi ohinga ema notony.

Motingʼo Loko Manyien

²⁰ Omiyo Joshua kod jo-Israel notiekogi chuth makmana joma tin ema nodongʼ e miechgi madongo mochiel kod ohinga.

Joshua 10:20 Iomraidhean Croise

2 Samuel 20:6

Eka Daudi nowacho ni Abishai niya, “Koro Sheba wuod Bikri biro hinyowa moloyo Absalom. Omiyo, dhiyo gi jolwenja, ilawe, nimar dipo ka odonjo e mier mochiel gohinga, kendo dotony moa e lweta.”

1 Ruodhi 20:21

Eka ruodh Israel nowuok momako farese gi geche, kendo nonego jo-Aram oyokre.

2 Weche mag Ndalo 13:17

Abija kod joge ne onegogi malich ahinya, mi jo-Israel marateke moyier alufu mia abich notho.

Jeremia 4:5

“Gouru tung’, e piny duto, kendo koguru matek, kunyiso jo-Juda gi jo-Jerusalem mondo oring odhi e mier mochiel motegno.

Jeremia 8:14

Jo-Nyasaye penjore niya, “Ere gimomiyo wabet abeta? Biuru wadhi e mier mochiel motegno wathoe, nimar Ruoth Nyasaye oseng’adonwa buch tho. Osemiyowa pi motimo kwiri mondo wamodhi, nikech timbewa osebedo maricho e nyime.

Rapar mar Chik 20:16

To e miech ogendini ma Ruoth Nyasaye ma Nyasachu biro miyougo, kik uweyee kata gimoro achiel ka ngima.

Joshua 10:10

kendo Ruoth Nyasaye notaro wang’gi mokeyogi e nyim jo-Israel, mi nologi chuth. Jo-Israel nolawogi e yo maridore Beth-horon, mi ne ginegogi nyaka Azeka gi Makeda.

Joshua 10:19

To kik udek kuno, to meduru mana lawo wasiku, kendo kik uwe gichop e miechgi mak unegogi, nimar Ruoth Nyasaye ma Nyasachu osechiwogi e lwetu.”

Joshua 10:21

Eka jolweny duto nodwogo ir Joshua Makeda kangima. Onge ng’ama notemo timo gimoro marach ni jo-Israel.

Joshua 11:12

Kamano Joshua nomako ruodhigo monego, kendo noketho miechgi. Nonego ji duto ma nodak e miego, kendo noketho gik moko duto, kaka Musa jatich Ruoth Nyasaye nosechiko.

Joshua 11:8

Ruoth Nyasaye nochiwogi e lwet jo-Israel, mi jo-Israel noloyogi, kendo nolawogi yo nyandwat nyaka Sidon Maduong’, kendo yo podho chieng’ nyaka Misrefoth, kendo yo wuok chieng’ nyaka holo mar Mizpa. Ne ginegogi, ma onge kata ng’at achiel ma nodong’ ka ngima.

Joshua 8:24

Kane jo-Israel osenego jo-Ai duto mane ni e pap, kod mane ni e thim kuma ne giselawogie, ne gidok Ai, mi ginego ji duto ma nodong’ kuno.