Joshua 10:13 - MUMA MALER 2015

¹³ Kamano wang’chieng’ nochung’ kendo due bende ne ok osudo nyaka jo-Israel notieko chulo kuor kuom wasikgi. Wachno ondik e Kitap Jashar. Wang’chieng’ nosiko mana e kor polo. Ne ok oruyo podho nyaka kane osebet kanyo odiechieng’ ngima.

Motingʼo Loko Manyien

¹³ Omiyo wangʼ chiengʼ nochungʼ kar tiende, to dwe bende ne ok osudo, nyaka oganda mar jo-Israel nochulo kuor kuom wasikgi, mana kaka nondike e Kitap Jashar. Wangʼ chiengʼ nosiko kochungʼ e polo kuom thuolo madirom odiechiengʼ achiel.

Joshua 10:13 Iomraidhean Croise

2 Samuel 1:18

Nochiko ni mondo jo-Juda opuonjre wendno kendo ondike e kitap Jasher, kama:

2 Ruodhi 20:10

To Hezekia nokone niya, “En gima yot mondo tipo odhi nyime ondamo apar. Emomiyo tipo mondo odog mana chien ondamo apar.”

Ayub 9:7

Nyasaye nyalo mono chieng’ wuok, kata mono sulue rieny gotieno.

Zaburi 148:3

Pakeuru un wang’chieng’ gi due, koda ka un, sulue marieny duto.

Zaburi 19:4

to kata kamano gima ginyiso, iwinjo e pinje duto. Wachgi tundo e tung’ piny gi tung’ piny. Nyasaye oseyaro ni wang’ chieng’ hema e kor polo.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 38:8

Rang ane tipo mar wang’ chieng’ manie raidhi mar dhood Ahaz. Abiro dwoko tipono chien ondamo apar.” Kamano wang’chieng’ nodok chien ondamo apar e raidhi mane oyudo oselorie.

Joel 2:10

Piny yiengni e nyimgi, to polo bende tetni. Wang’ chieng’ gi due oimore, sulue bende ok rieny.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:15

Wang’ chieng’ gi due olokore mudho, kendo sulue bende ok rieny.

Habakuk 3:11

Wang’ chieng’ gi due ochung’ achung’a keregi, ka gineno polo ka mil, mana ka gima gin aserni gi tong’ magi.

Kwan 21:14

Mano emomiyo Kitap Lwenje mag Ruoth Nyasaye wuoyo kuom Vaheb man Sufa, kod hohni man kuno niya,

Kwan 31:2

“Inimi jo-Israel chul kuor ni jo-Midian. Bang’ mano ibiro tho, miluw kwereni.”

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Luka 18:7

Koro donge Nyasaye nong’ad bura kare ni joge moyier, maywakne odiechieng’ gotieno? Uparo ni dodeki mak okonyogi koso?

Tich Joote 2:20

Wang’chieng nolokre mudho, to due nolokre makwar ka remo, kapok chieng’ Ruoth ochopo. En chieng’ maduong’ miwuoro!

Joshua 10:11

E kinde mane jo-Israel riembogi e yo maridoreno, Ruoth Nyasaye nodiro kuomgi pe madongodongo, monegogi nyaka Azeka. Peno nonego ji mang’eny moloyo mane jo-Israel onego.

Joshua 10:14

Pok osebedoe odiechieng’ machal kamano, ma Ruoth Nyasaye owinjoe dwond dhano, nimar chieng’no Ruoth Nyasaye nokedo ni jo-Israel.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 6:10

Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?”

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.

Jong’ad Bura 16:28

Samson noywak ni Ruoth Nyasaye niya, “A Ruoth Nyasaye ma Nyasacha, yie ipara. Nyasacha, para, kendo miya teko mana dichiel kende, mondo achulgo kuor ni jo-Filistia kuom toko wengena duto oko.”

Jong’ad Bura 5:2

“Pakuru Ruoth Nyasaye, nikech jo-Israel duto gi jotendgi nochiwore ni lweny.