Joshua 10:11 - MUMA MALER 2015

¹¹ E kinde mane jo-Israel riembogi e yo maridoreno, Ruoth Nyasaye nodiro kuomgi pe madongodongo, monegogi nyaka Azeka. Peno nonego ji mang’eny moloyo mane jo-Israel onego.

Motingʼo Loko Manyien

¹¹ E kinde mane giringo e nyim jo-Israel e yo moa Beth Horon kadhi Azeka, Jehova Nyasaye nolwaro pe madongo kuomgi koa e polo kendo thothgi nomedo tho nikech peno nonego ji mangʼeny moloyo mago mane jo-Israel onego gi ligangla.

Joshua 10:11 Iomraidhean Croise

Chakruok 19:24

Eka Ruoth Nyasaye nooro mach gi kite maliel mowang’o Sodom gi Gomora.

2 Samuel 18:8

Lweny nolandore, mokwako pinyno duto, mi chieng’no joma ne otho e bungu ne ng’eny moloyo mago mane jolweny onego.

Ayub 38:22

Bende isedhi kuonde keno ma akanoe pe,

Ayub 38:23

mondo obed moikore ni chieng’ lweny, kendo ni chieng’ masira?

Zaburi 11:6

Olwaro kite motimo mach maliel kuom joricho, kendo okumogi gi mach mang’ang’ni.

Zaburi 147:17

Ooro kite mag pe mana ka kit ombo, bende okelo koyo, mi pi lokre pe.

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Isaya 28:21

Ruoth Nyasaye biro a malo gi mirima, kaka ne oa malo e got Perazim, kendo kaka ne otimo e holo mar Gibeon, mondo oti tije magalagala ma osechano timo, ma ji ok par ni onyalo timo.

Isaya 30:30

Bang’e Ruoth Nyasaye nomi winj dwonde man gi duong’, kendo nonyis bade motimo mach mawang’o gik moko duto, ka lor gi mirima mager, ka polo mor gi koth maduong’, machue gi pe kod yamo mager.

Ezekiel 13:11

Omiyo nyis jomwonogo ni ohinga biro podho. Abiro hono koth maduong’, kendo pe madongodongo biro goye, bende yamb ahiti biro uke.

Rapar mar Chik 20:4

nikech Ruoth Nyasaye ma Nyasachu ema dhi kodu, mondo okednu, kendo olonu wasigu.’

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Fweny 16:21

Kite mag pe madongongo, ma achiel pekne dirom kilo piero abich, noa e polo mogoyo ji, mi ne giyanyo Nyasaye nikech masich peno, nimar ne en masira marach ahinya!

Jong’ad Bura 5:20

Sulue manie polo bende nokedo gi Sisera.