Joshua 1:8 - MUMA MALER 2015

⁸ Kik wiyi wil gi Kitap Chikno, to nyaka isome odiechieng’ gotieno, kendo ine ni iluwo chik duto mondikie. Eka inidongi, kendo noguedh gik moko duto mitimo.

Motingʼo Loko Manyien

⁸ Kik iwe Kitabu mar Chikni oa e dhogi; par wechene matut odiechiengʼ kod otieno, mondo mi ibed motangʼ kitimo gik moko duto mondik e iye. Mano biro miyo ibedo gi hawi e gimoro amora mitimo.

Joshua 1:8 Iomraidhean Croise

Chakruok 24:63

Kane owuotho e pap godhiambo, nopo koneno ngamia moko kabiro.

2 Weche mag Ndalo 26:5

Noketo chunye kuom luwo Nyasaye e ndalo Zekaria, jal mane opuonje luoro Nyasaye, kendo ndalo duto mane oluwoe Ruoth Nyasaye, noyudo gueth.

Zaburi 119:11

Akano wachni e chunya, mondo kik akethi e nyimi.

Zaburi 119:15

Aparo chikeni matut, kendo arango yore midwaro mondo aluw.

Zaburi 119:97

Mano kaka ahero chikni! Apare odiechieng’ duto.

Zaburi 119:99

An gi paro matut moloyo jopuonjna, to nikech chikeni ema aparo.

Zaburi 19:14

Wechena gi parona mondo obedni malong’o. In e jaritna kendo jawarna!

Zaburi 40:10

Ok asepando timni makare e chunya, to aselando ni in jaadiera, kendo ni ijares ji. Bende ok asemung’o herani mosiko kod adierani e chokruok maduong’.

Ngeche 3:1

Wuoda, wiyi kik wil gi weche ma apuonji, to pile par gik ma anyisi mondo itim,

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Mathayo 12:35

Ng’at maber golo gik mabeyo kuom mwandu mabeyo mokano e chunye. To ng’at marach to golo mana gik maricho kuom mwandune maricho.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Mathayo 7:21

“Kik upar ni ji duto ma luonga ni,’ Ruoth, Ruoth,’ ema nodonji e Piny Ruodh Polo. Ooyo, joma timo gik ma Wuora manie polo dwaro kende ema nodonji.

Mathayo 7:24

“Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Johana 13:17

Ka ung’eyo wachno, to un johawi kutiyo kode.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Rapar mar Chik 29:8

Ne wakawo pinygi, mi wamiyo jo-Reuben gi jo-Gad kod nus jo-Manase mondo obed mwandugi.

Rapar mar Chik 29:9

Nyaka urit weche mag singruok adimba, mondo udhi maber kuom gik moko duto mutimo.

Rapar mar Chik 30:14

To wach Nyasaye chiegni kodu ahinya, kendo en mana e dhou kendo e chunyu, omiyo ritogo yot.

Rapar mar Chik 31:11

ka jo-Israel duto biro mondo olam Ruoth Nyasaye ma Nyasachu kama obiro yiero mondo nyinge obedie, to nyaka usom chikni matek e nyimgi duto.

Rapar mar Chik 31:24

Kane Musa osetieko ndiko chikno duto e kitabu,

Rapar mar Chik 5:1

Musa noluongo jo-Israel duto mowachonigi niya, “Un jo-Israel winjuru chike kod buche ma awacho kuwinjo kawuononi. Puonjreuru, kendo uritgi maber.

Rapar mar Chik 5:29

Da ber ka gisiko gi chuny moluora kendo morito chikena duto, eka mondo gin gi nyikwagi gidag maber nyaka chieng’.

Rapar mar Chik 5:32

“Ruoth Nyasaye ma Nyasachu osemiyou chikegi, omiyo ritgiuru maber.

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.

Joshua 8:34

Eka Joshua nosomo weche duto mag gueth kod mag kuong’ mana kaka ondik e Kitap Chik.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.