Joshua 1:7 - MUMA MALER 2015

⁷ To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.

Motingʼo Loko Manyien

⁷ Bed motegno kendo gi chir mogundho. Bed motangʼ mondo iluor chike duto mane jatichna Musa omiyi; kik ilokri korachwich kata koracham kiweyo chikegi, mano nomi ibed gi hawi kamoro amora midhiye.

Joshua 1:7 Iomraidhean Croise

1 Ruodhi 2:2

“An to eri adhi kuma ji duto mae piny dhiye; in to bed motegno kinyiso ni in dichwo.

1 Ruodhi 2:3

Mak chik Ruoth Nyasaye ma Nyasachi, kiwuotho e yorene, kendo kimako wechene, gi chikene kod buchene, kaka ondiki e chik Musa, kamoro amora midhiye.

2 Ruodhi 22:2

Timbe Josia ne long’o e nyim Ruoth Nyasaye, kendo noluwo timbe duto mag Daudi kwar mare, ma ok oweyo kata achiel.

1 Weche mag Ndalo 22:13

Inibed gi hawi mana kimako chik kod buche Ruoth Nyasaye mane Musa omiyo jo-Israel. Bed gi chir, kendo gi jing’o! Kik chunyi nyosre, kata kik ibed jaluoro.

2 Weche mag Ndalo 15:7

To un, timuru chir! Lwetu kik jony, nimar nochulu kuom tichu.”

2 Weche mag Ndalo 26:5

Noketo chunye kuom luwo Nyasaye e ndalo Zekaria, jal mane opuonje luoro Nyasaye, kendo ndalo duto mane oluwoe Ruoth Nyasaye, noyudo gueth.

Ayub 1:8

Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Zaburi 80:19

A Ruoth Nyasaye Manyalo Gik Moko Duto, duogwa iri, kendo rienynwa mondo wayud resruok.

Ngeche 4:27

Tang’ ni richo, kendo kik iwe yo makare, kibaro koracham kata korachwich.

Ngeche 8:20

An atimo timbe makare, kendo ang’ado bura kare,

Daniel 10:19

Nowachona niya, “Nyasaye oheri, omiyo kik chunyi parre kata kik iluor, to bed abeda gi chir.” Kane osewuoyo koda kamano, ne awinjo ka achako yudo teko moko, mi awachone niya, “Jaduong’ wachna gima idwaro nyisa nikech koro iseduogona teko.”

Kwan 27:23

moyieyo lwete kuome, kendo omiye chik kaka Ruoth Nyasaye nosechike.

Rapar mar Chik 11:8

“Nyaka urit chike duto ma amiyou kawuono, mondo ubed gi teko kendo ukaw piny ma ubiro donjeno.

Rapar mar Chik 12:32

“Neuru ni urito gik moko duto machikou. Kik umedie gimoro, kata kik ugolie gimoro.

Rapar mar Chik 28:14

kendo ka ok utamoru chikego mi udagi lamo nyiseche mamoko, to Ruoth Nyasaye biro ketou jotelo, to ok joma itelonigi. Kamano ubiro dhi nyime maber, kendo ok nudog chien.

Rapar mar Chik 29:8

Ne wakawo pinygi, mi wamiyo jo-Reuben gi jo-Gad kod nus jo-Manase mondo obed mwandugi.

Rapar mar Chik 29:9

Nyaka urit weche mag singruok adimba, mondo udhi maber kuom gik moko duto mutimo.

Rapar mar Chik 31:7

Bang’e Musa noluongo Joshua mowachone e nyim jo-Israel duto niya, “Bed gi chir kendo gi jing’o, nikech in ema ibiro telo ni jogi ka gidhi e piny ma Ruoth Nyasaye nosingore ni kweregi ni nomigi, kendo inimi gikawe.

Rapar mar Chik 4:2

Kik umed gimoro kuom gik ma achikou, kata kik ugol gimoro kuomgi. Rituru chike mag Ruoth Nyasaye adimba, mana kaka amiyougi.

Rapar mar Chik 5:32

“Ruoth Nyasaye ma Nyasachu osemiyou chikegi, omiyo ritgiuru maber.

Joshua 1:1

Kane Musa jatich Ruoth Nyasaye osetho, Ruoth Nyasaye nowacho ni Joshua wuod Nun, mane jalup Musa niya,

Joshua 1:8

Kik wiyi wil gi Kitap Chikno, to nyaka isome odiechieng’ gotieno, kendo ine ni iluwo chik duto mondikie. Eka inidongi, kendo noguedh gik moko duto mitimo.

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

Joshua 11:15

Ruoth Nyasaye noketo chikene e lwet Musa jatichne, to Musa nomiyogi Joshua, mi Joshua nochopo duto, ma ok oweyo kata chik achiel mane Ruoth Nyasaye omiyo Musa.

Joshua 23:6

Omiyo timuru chir mondo uluw chike duto mondik e Kitap Chik mar Musa, mak ubaro korachwich kata koracham.