Joshua 1:6 - MUMA MALER 2015

⁶ Bed gi chir, kendo gi jing’o, nimar in ema nitel ni jogagi, ka gikawo piny mane asingora ni kweregi ni namigi.

Motingʼo Loko Manyien

⁶ “Bed motegno kendo gi chir; nikech ibiro telone jogi nyaka e piny mar girkeni mane akwongʼora ni kweregi ni namigi.

Joshua 1:6 Iomraidhean Croise

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

2 Samuel 10:12

Bed gi chir, waked matek ni jowa. To Ruoth Nyasaye mondo otim gima oneno ni ber.”

1 Ruodhi 2:2

“An to eri adhi kuma ji duto mae piny dhiye; in to bed motegno kinyiso ni in dichwo.

1 Weche mag Ndalo 22:13

Inibed gi hawi mana kimako chik kod buche Ruoth Nyasaye mane Musa omiyo jo-Israel. Bed gi chir, kendo gi jing’o! Kik chunyi nyosre, kata kik ibed jaluoro.

1 Weche mag Ndalo 28:10

Emomiyo par malong’o ni Ruoth Nyasaye oseyieri ni mondo iger ot moyangne. Bed gi jing’o kendo igere!”

1 Weche mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

2 Weche mag Ndalo 15:7

To un, timuru chir! Lwetu kik jony, nimar nochulu kuom tichu.”

2 Weche mag Ndalo 20:11

To kar goyonwa erokamano, to koro gidwaro riembowa e piny mane imiyowa mondo obed marwa.

2 Weche mag Ndalo 20:7

A Nyasachwa, donge in ema nichiwo pinyni ni nyikwa Ibrahim ma osiepni, kiriembo joma nodakie mondo owe thuolo ni jogi Israel, odagie nyaka chieng’?

Zaburi 27:14

Genuru kuom Ruoth Nyasaye. Ee, genuru kuome, kendo kik chunyu nyosre.

Daniel 10:19

Nowachona niya, “Nyasaye oheri, omiyo kik chunyi parre kata kik iluor, to bed abeda gi chir.” Kane osewuoyo koda kamano, ne awinjo ka achako yudo teko moko, mi awachone niya, “Jaduong’ wachna gima idwaro nyisa nikech koro iseduogona teko.”

Hagai 2:4

Bang’e nyis Zerubabel gi Joshua wuod Jehozadak jadolo maduong’ kod ji moko duto mondo ojiwre obed motegno. An Ruoth Nyasaye ema awacho kamano.” Ruoth Nyasaye Manyalo Gik Moko Duto owacho ni, “Chakuru achaka tich, nikech an kodu,

Zekaria 8:9

Ruoth Nyasaye Manyalo Gik Moko Duto wacho kama: “Beduru gi chir, un joma ndaloni weche ma jonabi osebedo kawacho, chakre chieng’ mane iketoe mise mar Hekalu mara, mondo ochak oger kendo.

Kwan 26:53

“Nyaka pog piny gi dhoudi mana maromre gi kar joma ondik nyinggi.

Kwan 33:53

Kawuru pinyni mi udagie, nimar asemiyougo mondo obed maru.

1 Jo-Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Rapar mar Chik 1:21

Ruoth Nyasaye ma Nyasachu oseikonu piny ma uneno e nyimuno, omiyo dhiuru mondo ukawe kaka Ruoth Nyasaye ma Nyasach kwereu nosingorenu. Kik chunyu nyosre, kata kik ubed maluor.’

Rapar mar Chik 1:8

Aseikonu pinyno, omiyo dhiuru mondo ukawe. En e piny mane Ruoth Nyasaye osingore ni nomi kwereu ma Ibrahim gi Isaka gi Jakobo kod nyikwagi.’

Rapar mar Chik 11:8

“Nyaka urit chike duto ma amiyou kawuono, mondo ubed gi teko kendo ukaw piny ma ubiro donjeno.

Rapar mar Chik 31:23

Ruoth Nyasaye nochiko Joshua wuod Nun niya, “Bed gi chir, kendo gi jing’o, nikech in ema nitelni jo-Israel ka gidhi e piny mane asingora ni namigi kendo anabed kodi.”

2 Timotheo 2:1

Omiyo in nyathina, bed motegno kuom ng’wono ma wan-go kodi, ka wan kuom Kristo Yesu.

Joshua 1:18

Ng’ato ang’ata ma nodagi winjo chikni, kata ma notamre timo gima ichiko, nonegi. Omiyo bed gi chir kendo gi jing’o!”

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

Joshua 10:25

Eka Joshua nowacho ni jotelogo niya, “Kik uluor kata kik chunyu nyosre. Beduru gi chir kendo gi jing’o, nimar mano e kaka Ruoth Nyasaye notim ni wasigu duto mubiro kedogo.”

Joshua 13:6

Pinyno oting’o jo-Sidon modak e piny gode, chakre Lebanon nyaka Misrefoth-maim. Anariemb jogo duto mondo oweni jo-Israel thuolo. To pinyno duto ipog ni jo-Israel mondo obed margi, kaka asechiki.

Joshua 18:3

omiyo Joshua nowacho ni jo-Israel niya, “Ang’o murito momiyo pok ukawo piny ma Ruoth Nyasaye ma Nyasach kwereu osemiyou?

Joshua 21:43

Kamano Ruoth Nyasaye nomiyo jo-Israel piny duto mane osesingore ni kweregi ni nomigi. Ne gikawe, mi gidak kuno.

Joshua 5:6

Jo-Israel nosewuotho e thim kuom higni piero ang’wen, kendo joma dongo duto mane oa Misri koseromo kedo nosetho, nikech ne ok girito chik Ruoth Nyasaye. Ruoth Nyasaye noramo ni ok nowe gine piny momew kendo man gi mwandu mane osesingore ni kwerewa ni nomiwa.

1 Samuel 4:9

Jiwreuru ubed ka chwo, un jo-Filistia, mondo kik ubed ka wasumb jo-Hibrania, kaka gisebedonu. Beduru ka chwo, kendo keduru!”