Joshua 1:4 - MUMA MALER 2015

⁴ Kuonde duto nobed mau, chakre e thim ma yo milambo, nyaka Lebanon yo nyandwat, kendo koa Yufrate, aora maduong’ man yo wuok chieng’, koluwo piny jo-Hiti, nyaka Nam Mediterenia man yo podho chieng’.

Motingʼo Loko Manyien

⁴ Gwengʼi nochakre e kuonde motwo nyaka Lebanon, kendo koa e aora maduongʼ, ma en Yufrate; piny mar jo-Hiti duto; nyaka chop e Nam Mediterania mantiere yo podho chiengʼ.

Joshua 1:4 Iomraidhean Croise

1 Ruodhi 10:29

Gari achiel ning’iewo Misri gi kilo abiriyo mag fedha, to faras achiel nengone noromo kilo ariyo, kendo johala mag ruoth ne terogi ni ruodhi duto mag jo-Hiti gi mag jo-Aram.

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

1 Weche mag Ndalo 18:3

Bende Daudi noloyo Hadadezer ruodh Zoba-hamath, kane ruodhno dhi chungo rapar mar lochne e lweny but aora Yufrate.

1 Weche mag Ndalo 5:9

Bende ne gidak e yo wuok chieng’ nyaka chop e thim mopogo kindgi gi aora Yufrate, nikech jambgi nosemedore e piny Gilead.

Ezra 4:20

E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.

Rapar mar Chik 11:24

Kamano kamoro amora ma tiendu onyono nobed maru, kendo mbap pinyu nochakre e thim yo milambo nyaka piny Lebanon yo nyandwat, kendo chakre aora Yufrate yo wuok chieng’ nyaka nam Mediterania yo podho chieng’.

Rapar mar Chik 3:25

Akwayi ni yie ang’ad Jordan mondo aneye piny maber man loka cha kod piny gode mabeyo, kaachiel gi piny Lebanon.’

Fweny 9:14

Dwolno nowacho ni malaika mar auchiel man gi tung’ niya, “Gony malaika ang’wen motue e aora maduong’ mar Yufrate.”