Joshua 1:18 - MUMA MALER 2015

¹⁸ Ng’ato ang’ata ma nodagi winjo chikni, kata ma notamre timo gima ichiko, nonegi. Omiyo bed gi chir kendo gi jing’o!”

Motingʼo Loko Manyien

¹⁸ Ngʼato angʼata modagi winjo wachni kendo ok oluoro wecheni bende ok odewo chike mimiyogi, ibiro negi. Bed mana motegno kendo jachir!”

Joshua 1:18 Iomraidhean Croise

Ezra 10:4

Chak mana tich, nikech en tich momiyi, kendo wabiro konyi. Bed gi chir mondo itim gima dwarore.”

Luka 19:27

To wasika mane ok dwar ni mondo abed ruodhgi to keluru ka mondo uneg mana ka aneno.’ ”

1 Jo-Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Rapar mar Chik 17:12

Ng’ato ang’ata modagi wach jadolo matiyo ni Ruoth Nyasaye ma Nyasachu kanyo, kata modagi wach jang’ad bura, nyaka negi. Kamano e kaka unupwodh jo-Israel kuom richo ma kamano.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Joshua 1:17

Wanawinji kaka ne wawinjo Musa, to Nyasaye mondo obed kodi kaka nobedo gi Musa!

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

Joshua 2:1

Kane pod gin Shitim, Joshua wuod Nun nooro jombetre ariyo ling’ling’ mondo odhi ocheng piny. Jombetrego nodhi Jeriko modonjo e od dhako moro ma ohodho ma nyinge Rahab, kendo ne ginindo kanyo.

1 Samuel 11:12

Eka jo-Israel nowacho ni Samuel niya, “Ng’a gini mane odagi ni Saulo kik bed ruodhwa? Kelgiuru mondo waneggi.”