Joel 3:7 - MUMA MALER 2015

⁷ Koro adhi gologi kuonde ma useng’iewogie, kendo abiro timonu mana kaka natimonigi.

Motingʼo Loko Manyien

⁷ “Neuru, abiro wakogi ka agologi kuonde mane uusogie, kendo naket e wiwu uwegi gima usetimo.

Joel 3:7 Iomraidhean Croise

Isaya 11:12

Eka enoting’ bandera malo mondo obed ranyisi ni ogendini, mi ochok jo-Israel mane oriemb e pinygi, kendo ochok jo-Juda moke, kogolo e tung’ piny gi tung’ piny.

Isaya 49:12

Neuru! Ginibi ka gia kuonde maboyo. Moko noa yo nyandwat gi yo podho chieng’, to moko noa e piny Syene yo milambo.”

Isaya 66:6

Winjuru! Tulo omuoch e dala Jerusalem. Koko winjore e Hekalu! En dwond Ruoth Nyasaye makumo wasike gi kum mowinjore kodgi.

Jeremia 23:8

to ginikuongre gi nyinga mana ka Nyasaye mangima mane ogolo jo-Israel e piny man nyandwat, kendo e pinje mamoko duto mane asekeyogie. Bang’e eka ginidag e pinygi giwegi.’ ”

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 31:8

Abiro kelogi kagologi yo nyandwat, kendo abiro chokogi kagologi e tung’ piny koni gi koni, kaachiel gi muofni gi rang’onde mi mon mayach kendo ma muoch kayo, mi giniduogi, ka gin oganda maduong’.

Jeremia 32:37

Kinde moro anachokgi, kagologi e pinje duto ma nobed ka asekeyogie, ka akecho kendo ka mirimba ger, mi aduoggi ka eri mondo gidagie gi kue.

Ezekiel 36:24

Anagolu e kind ogendini modak e pinje mopogore opogore, mi adwoku e pinyu uwegi.

Ezekiel 38:8

Bang’ higni mathoth, kinde nochopi ma ananyisie mondo imonj piny moro ma ji osebet kodakie gi kue maonge lweny, chakre ndalo mane oduoggie, kigologi kuom ogendini mang’eny. Inimonj gode mag Israel mane oselokore thim, kendo mane owe kokethore chon, to koro ji duto odakie gi kue.

Joel 3:4

“Un jo-Turo gi jo-Sidon kod jo-Filistia duto, ang’o mutimonani? Udwaro chulona kuor koso? Ka kamano, to kuor mudwaro chulono abiro dwoko e wiu uwegi ka diemo wang’.

Zekaria 9:13

Aseloko Juda atung’ kendo asetimo Israel asere. Asekawo yawuoti yaye Sayun, mi aloko ligangla ma akedogo gi jo-Yunani.”

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

2 Jo-Thesalonika 1:6

Adier, kaka Nyasaye en ng’ama kare, enosand joma sandou,

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 19:2

nikech pile ong’ado bura e yo ma adier kendo makare. Nong’ado bura ni jachode maduong’ mane oketho piny gi terruokne. Adier, Nyasaye osekume nikech nonego jotich Nyasaye.”

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.

1 Samuel 15:33

To Samuel nowachone niya, “Kaka liganglani osenego nyithind mon, e kaka meru bende nobed achiel kuom mon ma nyithindgi onegi!” Eka Samuel nonego Agag achanya achanya Gilgal e nyim Ruoth Nyasaye.