Joel 3:6 - MUMA MALER 2015

⁶ Bende usekawo jo-Juda gi jo-Jerusalem, mutero mabor gi pinygi, kendo ung’iewogi gi jo-Yunani.

Motingʼo Loko Manyien

⁶ Ne uuso jo-Juda gi Jerusalem ne jo-Yunani, eka utergi mabor gi pinygi mane onywolgie.

Joel 3:6 Iomraidhean Croise

Ezekiel 27:13

Bende ne iloko ohala e piny Yunani gi Tubal kod Meshek, kendo ne ikawo wasumbini kod gik molos gi mula kuom gik ohala mane in go.

Joel 3:3

Ne gigoyo ombulu mondo gipoggo joga, kendo ne giuso yawuowi gi nyiri obed wasumbni, mondo pesa ma giyudo gichodgo, kendo gimadhgo kong’o.

Joel 3:8

Abiro miyo jo-Juda ng’iewo yawuotu gi nyiu, kendo giniusgi ni jo-Sabea, modak kuma bor ahinya. An Ruoth Nyasaye ema awacho kamano.”

Zekaria 9:13

Aseloko Juda atung’ kendo asetimo Israel asere. Asekawo yawuoti yaye Sayun, mi aloko ligangla ma akedogo gi jo-Yunani.”

Rapar mar Chik 28:32

Yawuotu gi nyiu nokaw, kendo nomi jopinje mamoko ong’iew mana kuneno, mi siso nolou kodgi, to ok nubed gi teko mar timo gimoro.

Rapar mar Chik 28:68

Ruoth Nyasaye nodwoku Misri gi yiedhi, kata obedo ni nosingore ni ok nudog kuno kendo. Unuhonru ni wasiku mondo ong’iewu ka wasumbni, to onge ng’ama nong’iewu.”