Joel 3:3 - MUMA MALER 2015

³ Ne gigoyo ombulu mondo gipoggo joga, kendo ne giuso yawuowi gi nyiri obed wasumbni, mondo pesa ma giyudo gichodgo, kendo gimadhgo kong’o.

Motingʼo Loko Manyien

³ Negigoyo ombulu kuom joga kendo negiloko ohala mar hono yawuowi ka giwilo gi ochode; nyiri to negiuso ka giwilo gi divai, mondo gimadhi.

Joel 3:3 Iomraidhean Croise

Ayub 6:27

Un joma digo ombulu nyathi kich mondo obed misumbau, kendo di uho osiepeu mondo uyud mwandu kuomgi!

Ezekiel 27:13

Bende ne iloko ohala e piny Yunani gi Tubal kod Meshek, kendo ne ikawo wasumbini kod gik molos gi mula kuom gik ohala mane in go.

Joel 1:5

Auru malo mondo uywagi, un jomergi! Ywaguru un jomadh divai, nikech mzabibu milosogo divai mamit osekethi!

Amos 2:6

Ruoth Nyasaye owacho niya, “Un jo-Israel usetimo richo mang’eny, omiyo abiro kumou mak orem, nimar ung’iewo joma onge gi ketho, nikech pok gichulo gopegi. Joma odhier ma ok nyal chulo kata mana nengo patpat bende ung’iewo ka wasumbni.

Obadia 1:11

Chieng’ mane wasikgi moa e pinje mamoko omuko dhorangeyegi, ne uchung’ achung’a. Ne uricho mana ka wasigu mane oyako mwandu Jerusalem, mi opogo e kindgi giwegi gi ombulu.

Nahum 3:10

To kata kamano, en bende ne oloye, mi omak joge moter e tuech. Nyithind dalano ne ochwad piny e akek yore, mi otho, kendo ne ogo ombulu mondo ong’ego joma dikaw jotende ka wasumbni. Jodongo mage duto bende ne otue gi nyororo.

Fweny 18:13

kod gik moko kaka dalasini gi gik mang’ue ng’ar, gi uvumba, gi mor wir madum tik mamit, gi ubani, kod divai gi mo kod mogo mayom gi ngano kod rombe gi dhok kod farese gi geche lweny, gi joma otue wasumbini, kod ngima mag ji.