Joel 3:2 - MUMA MALER 2015

² kendo anachok ogendini duto, mi ater e holo Jehoshafat, (tiende ni, holo ma Ruoth Nyasaye ng’adoe bura.) Kanyo ema nang’adie buchgi kuom gik ma gisetimo ni joga Israel, nikech gisekeyo joga awuon e pinje mamoko, mi gipogo pinya e kindgi giwegi.

Motingʼo Loko Manyien

² Abiro choko pinje duto mi akelgi mwalo e Holo mar paw Jehoshafat. Kanyono ema anangʼad nigi e bura, kuom girkeni mara, ma gin joga ma jo-Israel, nikech negikeyo joga e kind pinje kendo gikawo pinya gipogo.

Joel 3:2 Iomraidhean Croise

2 Weche mag Ndalo 20:26

To chieng’ mar ang’wen ne gichokore e holo mi gipakoe Ruoth Nyasaye. Emomiyo kanyo ne ochak ni, holo mar Pak, nying ma pod iluongego nyaka chil kawuono.

Isaya 66:16

Ruoth Nyasaye noyal buch ji duto gi mach kod ligangla! Kamano joma Ruoth Nyasaye onego nobed mang’eny.

Isaya 66:18

An Ruoth Nyasaye, ang’eyo timbegi kaachiel gi parogi, bende abiro choko ogendini duto, gi dhoudi mawacho dhok mopogore opogore, kendo ginibi mi gine duong’na maler,

Jeremia 12:14

Ruoth Nyasaye wacho niya, “An gi gima adwaro wacho kuom ogendini maricho mokiewo gi jo-Israel. Abiro pudhogi oko e pinygi ka yien mipudho, mi nares jo-Juda kuomgi.

Jeremia 25:31

Dwonde winjore e tung’ piny duto, nikech Ruoth Nyasaye yalo ogendini. Ee, oyalo ji duto, kendo ong’ado ni joricho buch tho.’ ”

Jeremia 49:1

Ruoth Nyasaye nowuoyo kuom jo-Amon niya, “Jo-Israel ni kanye? Donge nitie ng’ato manyalo reso lopgi? Ang’o momiyo giseweyo jo-Amon malamo Milkomgi okawo piny jo-Gad mi odakie?

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Ezekiel 25:8

Ruoth Nyasaye nowacho niya, “Kaka jo-Moab osewacho ni jo-Juda chalo gi ogendini mamoko duto,

Ezekiel 34:6

Kamano romba bayo abaya ewi gode, kendo gike kuonde duto e pinyu, to onge ng’ama manyogi kata ma temo mondo ochokgi.

Ezekiel 35:10

“Ne uwacho ni ogendini ariyo ma Juda gi Israel, kaachiel gi pinjegi gin mau, kendo ni ubiro kawogi, kata obedo ni an Ruoth Nyasaye e Nyasachgi.

Ezekiel 36:1

Ruoth Nyasaye nowachona niya, “Wuod dhano, wuo gi gode mag Israel, mondo inyisgi giwinj wach ma an Ruoth Nyasaye awachonigi.

Ezekiel 36:5

“Ruoth Nyasaye ohero jo-Israel ahinya, omiyo asewuoyo ka an gi mirima mager kuom ogendini mokiewo kodgi, to moloyo asewuoyo kuom jo-Edom. Ne gimako piny ka gin gi siboi kod sunga marach e chunygi, mi gikawo legene.

Ezekiel 38:22

Anakume gi tuoche kod nek. Bende anahon koth mang’ongo gi pe madongo gi mach kod kite maliel kuome, kendo kuom joge mag lweny kod ogendini mathoth man kode.

Ezekiel 39:11

Ruoth Nyasaye nowacho kendo niya, “Chieng’ ma gigo duto otimore to anami Gog kar yik e Israel, e holo miluongo ni, Holo Jowuoth, man yo wuokchieng ma yo Nam Kado. Gog kod jolwenje duto noyik kanyo, kendo holono noluong ni Holo mar Oganda Jolwenj Gog.

Joel 3:12

Ogendini nyaka ikre, mondo obi e holo ma Ruoth Nyasaye ng’adoe bura, nimar kanyo ema an Ruoth Nyasaye abiro betie, ka ayalo ogendini duto moa koni gi koni.

Joel 3:14

Ji gana gi gana nie holo mar ng’ado bura. Kanyo ema chieng’ Ruoth Nyasaye chiegni chopoe.

Amos 1:11

Ruoth Nyasaye owacho niya, “Jo-Edom osetimo richo mang’eny, omiyo abiro kumogi mak orem, nikech ne gimonjo jowetegi ma jo-Israel, mi ginego malit, kendo ne ok gigeng’o mirimbgi, to ne gisiko ka gimako kodgi sadha marach.

Mika 4:12

To ogendinigo ok ong’eyo gima Ruoth Nyasaye paro. Gikia ni ochano chokogi mondo okumgi, mana kaka ichoko cham midwaro dino!

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Fweny 11:18

Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

Fweny 16:14

Chunygo gin jochiende, kendo gin gi teko mar timo honni. Gidhi ir ruodhi duto mag piny ngima mondo gichokgi ni lweny manobedie Chieng’ Maduong’ mar Nyasaye Manyalo gik Moko Duto.

Fweny 16:16

Chunygo nochoko ruodhigo kama iluongo gi dho Hibrania ni Harmagedon.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 20:8

kendo nowuog oko mondo odhi owuond Gog gi Magog, tiende ni ogendini manie tunge piny duto koni gi koni, mi ochokgi ni lweny. To kar rombgi chalo gi kwoyo mae dhonam.