Joel 2:3 - MUMA MALER 2015

³ Gichamo oboke mana ka gima mach owang’o! Piny ma pok gichopoe ber ka puoth Eden, to ka giseaye, to odong’ motwo tarara. Onge gima giweyo mak gichamo.

Motingʼo Loko Manyien

³ Mach wengʼo nyimgi, to bangʼ-gi ligek mach bebnie. Piny chalo gi puoth Eden yo ka nyimgi to ka bangʼ-gi piny otwo modongʼ nono, onge gimoro manyalo pusorenegi matony.

Joel 2:3 Iomraidhean Croise

Chakruok 13:10

Lut norango koni gi koni, moneno ka holo mar aora Jordan nyaka Zoar nigi pi mang’eny, machal gi puoth Ruoth Nyasaye kata ka piny Misri. (Mano notimore kane pok Ruoth Nyasaye oketho Sodom gi Gomora.)

Chakruok 2:8

Bang’e Ruoth Nyasaye noloso puodho e Eden, yo wuokchieng’, mi oketoe dhano mane osechueyo.

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Zaburi 97:3

Mach otelo e nyime, kendo wang’o wasike koni gi koni.

Wuok 10:15

Ne gipoto piny mi piny nolokore bonyo lilo kendo ne gichamo gik moko duto mane dongo e piny kaachiel gi olembe duto mane pe oweyo. Onge kata lith oboke mane odong’ e piny Misri duto.

Wuok 10:5

kendo gibiro nur e piny ma kata mana lowo ok nonen. Ginicham gik moko duto modong’, mane pe ok oketho, kaachiel gi yien duto.

Isaya 14:17

kendo miyo ruodhi tetni, mi lok piny thim, kendo mane ok gony joma osetueyo dog thuchegi?’

Isaya 15:6

Sokni mag Nimrim nodwon. Lum bende notwo, kendo oboke duto noner, ma onge gimoro amora mang’ich ma nodong’.

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 9:18

Richo liel mana ka mach mager mobolie kudho, kendo wang’o koda ka bungu ka iro dhuolore.

Isaya 9:19

Omiyo mirimb Ruoth Nyasaye Manyalo Gik Moko Duto biro wang’o piny Israel, kendo ji ema nobed yien michwakogo mach.

Jeremia 5:17

Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Ezekiel 36:35

mi ji duto nowach niya, “Piny ma yande thimni tinde chalo gi puoth Eden, kendo mier mane omukore mi oyaki kendo owe gundni, tinde ochiel motegno, kendo ji odakie.”

Amos 7:4

Ruoth Nyasaye nochako okelona fweny machielo, mi aneno ka ooro mach mondo owang’ nam maduong’ manie bwo piny, kendo mondo otiek gik moko duto manie piny.

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.

Zekaria 7:14

mi ariembogi kakeyogi e kind ogendini ma ok ging’eyo, ka giweyo pinygi kokethore, ma onge ng’ama luwo.’ Kamano ne gimiyo pinygi maberno olokore thim.”