Joel 2:26 - MUMA MALER 2015

²⁶ Koro ubiro bedo gi chiemo mathoth, mucham nyaka uyieng’, mi unupak Ruoth Nyasaye ma Nyasachu, mosetimonu gik miwuoro. Bende joga ok nochak ojar kendo.

Motingʼo Loko Manyien

²⁶ Unubed gi chiemo mathoth, ma uchamo nyaka unuyiengʼ, kendo unupak nying Jehova Nyasaye, ma Nyasachu, mosetimonu timbe miwuoro. Wi joga ok nochak okuod kendo.

Joel 2:26 Iomraidhean Croise

Chakruok 33:11

Omiyo yie ikaw chiwo ma asekeloni, nimar Nyasaye oseguedha mi ayudo gik moko duto madwaro.” Kamano nochune nyaka nokawo michgo.

Nehemia 9:25

Jo-Israel nokawo mier mochiel motegno gi puothe mag mzabibu gi yiend zeituni kod yiend olembe mamoko mang’eny. Kamano ne gichiemo mi giyieng’ kendo ne gidoko machwe, mi gibedo mamor nikech ber mane itimonigi.

Zaburi 103:5

En ema omiya gik mabeyo mogundho e ngimana, omiyo anenora ng’ama pod tin, kendo man gi teko ka sibuor, kata ka ongo.

Zaburi 116:7

A yaye chunya, bed gi geno, nimar Ruoth Nyasaye osebedona mang’won.

Zaburi 13:6

Abiro wer ni Ruoth Nyasaye, nimar osebedona mang’won.

Zaburi 22:26

Joma odhier nochiem achiema mi yieng’, kendo jogo madwaro Ruoth Nyasaye biro pake. Mad gidhi nyime maber nyaka chieng’!

Zaburi 37:19

Ok ginithagre ka piny rach, kendo ginibed gi cham moromogi e ndalo kech.

Zaburi 67:5

A Nyasaye, onego ogendini duto paki. Adier, ogendini duto mondo opaki!

Zaburi 72:18

Pakuru Ruoth Nyasaye ma Nyasach Israel! En kende ema otimo gik malichgi.

Ngeche 13:25

Joma kare nigi chiemo moromogi. Joricho to denyo ndalo duto.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Isaya 25:1

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Isaya 29:22

Kuom mano, Ruoth Nyasaye ma Nyasach joka Jakobo, kendo mane owaro Ibrahim wacho kama: “Koro Jakobo ok bi yudo wichkuot, kendo kibaji ok nogoye,

Isaya 45:17

Jo-Israel to Ruoth Nyasaye noresi gi resruok mosiko. Piny ok nochak ochamgi, kata ok ginichak gigore nyang’eng’o kendo nyaka chieng’.

Isaya 49:23

Ruodhi mag ogendnigo, kaachiel gi mondgi ema nobed ka pidho nyithindigo. Ginikulreni piny, mi ginang’ buru manie tiendi. Eka ining’e ni an e Ruoth Nyasaye, kendo ining’e ni ng’ama ogeno kuoma ok noyud wichkuot.

Isaya 54:4

Kik ibed maluor, kata kik chunyi nyosre, nikech ok niyud wich kuot. Ndalo biro chopo ma wiyi nowilie gi wich kuot mane iyudo ka pod itin, kendo ok nichak ipar chandruok mane ineno kane idong’ chi liel,

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Tim jo-Lawi 25:19

Lowo nochieg cham, mi unuchiem muyieng’, kendo unudag gi kue.

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Tim jo-Lawi 26:5

Unudin cham nyaka e kinde miponoe mzabibu, kendo unupon mzabibu nyaka kinde michwoyoe. Unuyud chiemo moromou, kendo unudag e pinyu gi kue.

Mika 6:14

Kuom mano, unuchiem to ok unuyieng’, kendo kech pod nokau akaya. Ka ugolo gik moko e uteu mondo upandi, to ok unyal. To kapo ni ureso gimoro, to abiro miyo okethre e lweny!

Zefania 3:11

Chieng’no, in Jerusalem ok niyud wichkuot kuom timbeni mamono mane ipiemgo koda, nimar e kindeno anagol jogi ma josunga kendo ma jong’ayi, mi ok nichak isungri kendo e goda maler.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Jo-Rumi 10:11

Muma wacho niya, “Ng’at moyie kuome ok noywag ang’e.”

Jo-Rumi 5:5

To geno ma kamano ok kuod wiwa, nikech Roho Maler ma Nyasaye osemiyowa osepong’o chunywa gi hera mar Nyasaye.

Jo-Rumi 9:33

En kidi ma Muma wuoyo kuome niya, “Winjuru! Aketo kidi mabiro chwanyo ji e dala Sayun. En lwanda ma nomi gipodhi. To ng’at moyie kuom Jal ma kidino ochung’ kare, to ok noywag ang’e.”

Rapar mar Chik 11:15

Enomi lum lodhi e legeu mondo jambu ocham, kendo un bende unuyud chiemo moromou.

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Rapar mar Chik 12:18

Ubiro chamo gigo mana kama Ruoth Nyasaye ma Nyasachu biro yiero. Kanyo ema unuchiemie e nyim Ruoth Nyasaye ma Nyasachu, un gi yawuotu gi nyiu, kod wasumbu machwo gi mamon, kaachiel gi jo-Lawi modak e miechu. Unubed mamor e nyim Ruoth Nyasaye ma Nyasachu kuom gik moko duto mutimo.

Rapar mar Chik 12:7

Unuchiem kanyo e nyim Ruoth Nyasaye ma Nyasachu, kendo un gi jouteu unubed mamor, nikech Ruoth Nyasaye ma Nyasachu oseguedho gik moko duto mutimo.

Rapar mar Chik 8:10

Kusebedo gi chiemo mang’eny, moromou, to pakuru Ruoth Nyasaye ma Nyasachu kuom piny maber mosemiyouno.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

1 Johana 2:28

Adier nyithinda, sikuru kuome mondo ka chieng’ moro ofwenyore, to wabed gi chir, ka waonge gi gima dimi wiwa kuodi e nyime.