Joel 2:24 - MUMA MALER 2015

²⁴ Cham biro pong’o dere, kendo divai manyien gi mo biro pong’o kuonde keno.

Motingʼo Loko Manyien

²⁴ Kuonde dino cham nopongʼ gi cham; kendo degi nopongʼ mi-oo oko gi divai manyien kod mo.

Joel 2:24 Iomraidhean Croise

Ezekiel 36:8

To un joga Israel, yien nochak odongnu e gode mag Israel, mi nyagnu olembe, nikech ubiro dok e pinyu mak odeko.

Joel 3:13

Gin gi richo mang’eny, omiyo betgiuru duto ka cham mibeto chieng’ keyo. Nyon-giuru ka mzabibu minyono kar bicho, ma mzabibu opong’o, kendo divai o oko.

Joel 3:18

Kindeno yiend mzabibu manyak ahinya nopong’ gode, kendo jamni mathoth noyud e got ka got. Soko nomol kawuok e Hekalu mar Ruoth Nyasaye, mi nomi holo Shitim bedo mang’ich.

Tim jo-Lawi 25:19

Lowo nochieg cham, mi unuchiem muyieng’, kendo unudag gi kue.

Tim jo-Lawi 26:10

Chambu machon manie dereu noromu chamo nyaka chop kinde ma uwitogie, mondo uyud kama ukanoe cham manyien.

Amos 9:13

Ruoth Nyasaye wacho niya, “Ndalo biro ma cham nobed mang’eny, mi nogol pur ka ji pod keyo, kendo mzabibu nonyag mathoth, mi nochak oket kodhi ka ji pod loso divai. Yiend mzabibu mang’eny mabeyo nonyag mathoth e gode duto, mi unubed gi divai mang’eny.

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.