Joel 2:21 - MUMA MALER 2015

²¹ “Kuom mano in lowo kik ibed maluor, to bed gi mor kendo gi ilo, nikech Ruoth Nyasaye osetimoni gik madongo!

Motingʼo Loko Manyien

²¹ Yaye piny, weuru luor; bed mamor kendo moil, adiera Jehova Nyasaye osetimo gik madongo.

Joel 2:21 Iomraidhean Croise

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Zaburi 71:19

A Nyasaye, timni makare tundo nyaka e polo malo! Isetimo gik madongo, omiyo onge ng’ama romo kodi.

Zaburi 98:8

Un nembe madongo, pamuru, kendo un gode, weruru gi ilo kanyakla ni Ruoth Nyasaye,

Isaya 35:1

Thimbe kod pinje motwo nobed mamor, kendo maupe mabeyo nothiew kuondego.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 54:4

Kik ibed maluor, kata kik chunyi nyosre, nikech ok niyud wich kuot. Ndalo biro chopo ma wiyi nowilie gi wich kuot mane iyudo ka pod itin, kendo ok nichak ipar chandruok mane ineno kane idong’ chi liel,

Isaya 55:12

Adier, unuwuog Babulon gi mor kod kue, kendo kuonde mukadhoe, gode madongo gi matindo nogo mahu gi mor. Yien duto mae thim bende nopam lwetgi.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Hosea 2:21

E kindeno anadwok kwayo ma joga Jezreel kwayogo. Anami koth chue e piny,

Joel 2:20

Abiro riembo wasiku mane oa nyandwat, mi ater e thim motwo. Moko motelo nariemb, mi tho e Nam Kado, to man chien notho e Nam Mediterenia. Gibiro tow, mi githing’ ji. Abiro timo kamano nikech gik madongo ma gisetimo.

Joel 2:26

Koro ubiro bedo gi chiemo mathoth, mucham nyaka uyieng’, mi unupak Ruoth Nyasaye ma Nyasachu, mosetimonu gik miwuoro. Bende joga ok nochak ojar kendo.

Zekaria 8:15

e kaka asechano mondo aguedh Jerusalem kod jo-Juda: omiyo kik ubed maluor.

Rapar mar Chik 4:32

“Koro penjuru ane gima notimore e higni machon, ndalo mane pok onywolu, chakre kinde mane Nyasaye ochueyoe dhano e piny. Bende penjuru ane wach, chakre tung’ piny nyaka tung’ piny, ka gima duong’ kamano oseneye kata osewinjie.

1 Samuel 12:16

“Emomiyo koro ling’uru, une gima duong’ ma Ruoth Nyasaye biro timo e nyimu.

1 Samuel 12:24

Mak mana ni, luoruru Ruoth Nyasaye, kutiyone gi adiera kod chunyu duto, kendo paruru gik madongo mosetimonu.