Joel 2:14 - MUMA MALER 2015

¹⁴ Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Motingʼo Loko Manyien

¹⁴ En ngʼa mongʼeyo? Onyalo lokore mi okechu kendo owenu gweth, kendo ubed gi chiwo mag cham kod misengini miolo piny muchiwo ni Jehova Nyasaye, Nyasachu.

Joel 2:14 Iomraidhean Croise

2 Samuel 12:22

Nodwokogi niya, “Kane nyathi pod ngima, natueyo chiemo kaywak, nikech naparo niya, ‘Ng’ama ong’eyo kata ka Ruoth Nyasaye biro ng’wonona mondo nyathi obed mangima?’

2 Samuel 16:12

Dipo nono ka Ruoth Nyasaye oneno chandruokna, motimona ber kar kuong’ mikuong’agono.”

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Wuok 32:30

Kinyne Musa nowacho ni ji niya, “Usetimo richo maduong’. To koro abiro idho got, mondo adhi ir Ruoth Nyasaye. Kamoro onyalo yie weyonu richou ka akwaye.”

Isaya 65:8

Ruoth Nyasaye wacho kama: “Kaka olemo moko mabeyo ma dilosgo divai nyalo yudore e saga marach, ma ji kwer ni, ‘Kik wit sagano, nimar oting’o hawi,’ e kaka abiro timo ni jotichna, mi ok natiek oganda duto.

Jeremia 18:8

to bang’e ogandano olokore moweyo timbene maricho, to an bende koro aloko parona kuom gima rach mane awacho ni abiro timo.

Jeremia 26:13

Nyaka ulok yoreu gi timbeu, kendo nyaka uluor Ruoth Nyasaye ma Nyasachu. Eka onyalo loko parone kuom masira ma osewacho ni obiro kelo kuomu.

Jeremia 26:3

Kamoro dipo ka ji owinjo wechego, mi ng’ato ka ng’ato oweyo timbene maricho. Ka giweyo timbegi maricho kamano, to analok parona kuom masira mane adwaro kelo kuomgi.

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Joel 1:16

Cham kethore mana kwaneno; mor onge e Od Nyasachwa;

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Jona 1:6

Jatend yie nopo konwang’o Jona kanyo, mopenje niya, “Ang’o momiyo inindo aninda? Chungi mondo iywag ni nyasachi, dipo ka owinjo moresowa.”

Jona 3:9

Kamoro Nyasaye dipo ka olokore moweyo mirimbe, mi ok watho.”

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Hagai 2:19

Adier, chakre kawuono paruru matut mondo une ane ka pod cham dibed matin, kata kapod mzabibu gi komamanga kod zeituni ok dinyag olemo. Ooyo, ok nobed kamano, nikech chakre kawuono abiro guedhou.”

2 Timotheo 2:25

kendo marieyo joma dagi wachne gi muolo. Kamoro dipo ka Nyasaye nyalo miyo chunygi lokre mondo ging’e adiera,

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”

1 Samuel 6:5

Emomiyo mondo ulos gik maket gi buche mane okuodou, kendo ulos gik maket gi oyieyo ma kethonu piny, kumiyogo Nyasach Israel duong’, mi dipo koweyo sandou, kaachiel gi nyisecheu kod pinyu.