Joel 2:11 - MUMA MALER 2015

¹¹ Ruoth Nyasaye ruto e nyim ogandane mar lwenyno. Joge mag lweny ng’eny, kendo rateke. Ndalo Ruoth Nyasaye lich manade! Ere ng’ama nyalo siro chieng’no?

Motingʼo Loko Manyien

¹¹ Jehova Nyasaye kok matek e nyim jolweny mage; jolweny mage ok nyal kwan, joma winje gin joma roteke. Odiechieng Jehova Nyasaye duongʼ; kendo olich mokadho. En ngʼa manyalo siro odiechiengno?

Joel 2:11 Iomraidhean Croise

Zaburi 18:14

Nodiro mil polo ka aserni kokworogi koni gi koni.

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Zaburi 68:18

Oidho malo, ka otelo ni joma omako e lweny. Bende oseyudo mich, koda ka kuom joma piem kode. Ruoth Nyasaye nodag kanyo nyaka chieng’.

Isaya 13:4

Winjuru kaka koko mar oganda mang’ongo gore ewi gode! En koko mar ogendini ma chokore kaa e pinje mopogore opogore. Ruoth Nyasaye Manyalo Gik Moko Duto choko oganda mang’ongo mar lwenyno.

Isaya 42:13

Ruoth Nyasaye biro wuok oko ka thwon maratego. Enobed gi mirima mager mana ka jalweny, kendo enokogi ka ogoyo sigich lweny, mi olo wasike.

Isaya 7:18

“E ndalogo, Ruoth Nyasaye noluong jolwenj Misri modak kuonde ma aora Nael ochakoree, kod jolweny mag Asuria.

Jeremia 25:30

“To in Jeremia, nyaka ihul weche duto ma asewacho, kinyiso ji niya, ‘Ruoth Nyasaye ruto gie polo. Ee, owuoyo gie polo malo. Oruto korogo joge, kendo okok ka ng’ama biyo mzabibu, kendo ji duto modak e piny winje.

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Ezekiel 22:14

Bende uparo ni pod unubed gi chir kata gi teko moro ma unyalo ting’ogo kata mana lwetu ka akumou kamano? An Ruoth Nyasaye ema asewacho kamano kendo abiro timo kaka awacho!

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Joel 1:6

Oganda bonyo maduong’ osemonjo pinywa. Gin gi teko mathoth, kendo gikadho akwana. Lekegi bitho mana ka leke sibuor.

Joel 2:1

Gouru tung’ kendo gouru uwi e Sayun got maler mar Nyasaye. Jo-Juda duto mondo okirni, nikech chieng’ Ruoth Nyasaye biro machiegni.

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Joel 2:25

An ema naoronu bonyogo kaka ogandana mar lweny, to abiro dwokonu gik mane olalnu e higni mane gichamoe puotheu.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:14

Ji gana gi gana nie holo mar ng’ado bura. Kanyo ema chieng’ Ruoth Nyasaye chiegni chopoe.

Joel 3:16

Dwond Ruoth Nyasaye mor gi ewi got Sayun. Ee, omor Jerusalem, kendo polo gi piny yiengni. To Ruoth Nyasaye nores joge Israel, kobedonigi kama ginyalo geng’oree.

Amos 1:2

Nowacho niya, “Ruoth Nyasaye ruto Sayun! Ee, dwonde mor Jerusalem! Kuom mano lege jamni two, kendo wi got Karmel mang’ich ner.”

Amos 5:18

Un joma ofuwo ma dwaro mondo chieng’ Ruoth Nyasaye obi, uparo ni chieng’no nokelnu ang’o? Ok nobed chieng’ ler, to nobed mana chieng’ mudho!

Amos 5:20

Chieng’ Ruoth Nyasaye en mana mudho mandiwa. Adier, en chieng’ molil, maonge ler!

Obadia 1:15

“Chieng’ ma an Ruoth Nyasaye abiro ng’adoe bura ni ogendini chiegni. Yaye, jo-Edom! Gik ma usetimo ema notimnu, kendo timbeu maricho nodong’ mana e wiu uwegi.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Malaki 3:2

To chieng’ mobiroeno, ere ng’ama nosir? Koso chieng’ ma othinyoree, ere ng’ama noting’ wiye? Enochal gi mach malenyo mula mondo obed maler, kendo enochal sabun ma luoko maler.

Kwan 24:23

Ne ochako ohulo kendo niya, “Yaye, mago jokanye machokore malogo?

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”

Fweny 6:17

nikech chieng’ maduong’ mar mirimbgi mager osechopo! To ere ng’ama disir mirima ma kamano?”